ಕಾರ್ಗಿಲ್ ಕವಿತೆ ( ಕಾರ್ಗಿಲ್ ಯೋಧರನ್ನು ನೆನೆದು)

Share Button

ನಮಗೆ ನಮ್ಮ ಮನೆಗಳಲ್ಲಿ ಸೊಗದ ಊಟ ಸವಿಯ ನಿದ್ದೆ /
ನಿಮಗೆ ನಿಮ್ಮ ಮನೆಗಳಲ್ಲಿ ಕಾವ ತಾಯಿ ಕರೆವ ಮಡದಿ //

ನಾವು ನಮ್ಮ ಮನೆಗಳಲ್ಲಿ ಟೀವಿ ಮುಂದೆ ಕೂತ ಮಂದೆ /
ನೀವು ಅಲ್ಲಿ ಶಿಖರಗಳಲಿ ಅರಿಯ ತರುಬಿ ಮುಂದೆ ಮುಂದೆ//

ನಮಗೆ ನಮ್ಮ ಮನೆಗಳಲ್ಲಿ ನಾಳೆಗೆಂದೆ ಅರೆದ ಹಿಟ್ಟು /
ನಿಮಗೆ ಅಲ್ಲಿ ಕಣಿವೆಗಳಲಿ ಹಿಮದ ಗುಂಡು ಶೆಲ್ಲ ತುಂಡು//

ನಾವು ನಮ್ಮ ಕಡತಗಳಲಿ ಹಾಗು ಹೀಗು ಹಗಲ ಕಳೆಯೆ/
ನೀವು ಅಲ್ಲಿ ಬೆಟ್ಟಗಳಲಿ ನಿಮಿಷ ನಿಮಿಷ ಕಟ್ಟೆಚ್ಚರ //

ನಮಗೆ ನಮ್ಮ ತಲೆಗಳನ್ನು ಹೊದೆವ ಸೂರು ಗಟ್ಟಿ ಕಂಬ /
ನಿಮಗೆ ವ್ಯಾಘ್ರ ಬೆಟ್ಟಗಳಲಿ ಬಾನೆ ಸೂರು ಬುವಿಯೆ ಕಂಬ //

ನಮಗೆ ನಮ್ಮ ಮನೆಗಳಲ್ಲಿ ಭರತ ಮಾತೆ ಭಾವ ಚಿತ್ರ /
ನಿಮಗೆ ಅಲ್ಲಿ ಕೊರಕಲಲ್ಲಿ ಕಣಕಣವೂ ನಿಜ ಪವಿತ್ರ //

ನಾವು ನಿಮ್ಮ ಮನಗಳಲ್ಲಿ ಒಗ್ಗಟ್ಟಿನ ಒಡಲ ಅರ್ತಿ /
ನೀವು ನಮ್ಮ ಮನಗಳಲ್ಲಿ ಬಲಿದಾನದ ನಿತ್ಯ ಸ್ಫೂರ್ತಿ//

-ಮಹೇಶ್ವರಿ.ಯು

7 Responses

  1. ನಾಗರತ್ನ ಬಿ. ಅರ್. says:

    ಗಡಿಕಾಯುವವರ ಹಾಗೂ ನಮ್ಮ ಬದುಕಿನ ಚಿತ್ರಣವನ್ನು ಸ್ಥೂಲವಾಗಿ ಕಟ್ಟಿಕೊಟ್ಟಿರುವ ಕವನ ಚೆನ್ನಾಗಿದೆ ಮೇಡಂ

  2. Padma Anand says:

    ಗಡಿ ಕಾಯ್ವ ಯೋಧರಿಗೆ ಮತ್ತೊಂದು ಸೊಗಸಾದ ನಮನ.

  3. ನಯನ ಬಜಕೂಡ್ಲು says:

    Superb. ನಮ್ಮ ಯೋಧರನ್ನು ನೆನೆದ ಪರಿ ಸೊಗಸಾಗಿದೆ.

  4. ಅರ್ಥಪೂರ್ಣ ಬರಹ. ಧನ್ಯವಾದಗಳು

  5. ಶಂಕರಿ ಶರ್ಮ says:

    ಕಾರ್ಗಿಲ್ ಯುದ್ಧದ ವೀರ ಯೋಧರಿಗಾಗಿ ಚಂದದ ಕವಿನಮನ.

  6. .ಮಹೇಶ್ವರಿ.ಯು says:

    ಎಲ್ಲರಿಗೂ ಧನ್ಯವಾದಗಳು

  7. vasantha says:

    I also remember avr soldiers we also lv u indians soldiers ❤

Leave a Reply to .ಮಹೇಶ್ವರಿ.ಯು Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: