ವೀರ ಪುಲ್ವಾಮ ಯೋಧರೇ….

ಹೊನ್ನು ಹಣ ಕಡೆಗಾಣಿಸಿದಿರೇಕೆ
ದೇಶದ ಋಣವ ತೀರಿಸಿದಿರೇಕೆ
ದೇಶವಿತ್ತಿತೇನಗೆ ದೇಶವೇನಾದರೇನಗೆ
ಎನದೆ ಹುತಾತ್ಮರಾಗಿ ಹೋದಿರೇಕೆ …

ಸುಖ ಲಾಲಸೆ ಬೇಡವೆಂದಿರೇಕೆ
ದೇಶ ಭಕ್ತಿಯ ಮೆರೆದಿರೇಕೆ
ದೇಶವಿತ್ತಿತೇನಗೆ ದೇಶವೇನಾದರೇನಗೆ
ಎನದೆ ಹುತಾತ್ಮರಾಗಿ ಹೋದಿರೇಕೆ …

ಜಾತಿ ಧರ್ಮ ಎಣಿಸಲಿಲ್ಲವೇಕೆ
ದೇಶಕೆ ಕುಲವೊಂದೆ ಎಂದಿರೇಕೆ
ದೇಶವಿತ್ತಿತೇನಗೆ ದೇಶವೇನಾದರೇನಗೆ
ಎನದೆ ಹುತಾತ್ಮರಾಗಿ ಹೋದಿರೇಕೆ …

ಉಸಿರ ಹಂಗ ನೀಗಿದಿರೇಕೆ
ದೇಶ ವಾಸಿಗಳ ಸಲಹಿದಿರೇಕೆ
ದೇಶವಿತ್ತಿತೇನಗೆ ದೇಶವೇನಾದರೇನಗೆ
ಎನದೆ ಹುತಾತ್ಮರಾಗಿ ಹೋದಿರೇಕೆ …

ಬೇಗೆ ಬವಣೆಯ ಭರಿಸಿದಿರೇಕೆ
ದೇಶ ಕಾಯ್ವ ಹೊಣೆಯ ಹೊತ್ತಿರೇಕೆ
ದೇಶವಿತ್ತಿತೇನಗೆ ದೇಶವೇನಾದರೇನಗೆ
ಎನದೆ ಹುತಾತ್ಮರಾಗಿ ಹೋದಿರೇಕೆ …

ಕ್ರೂರ ಜಗವಿದೆಂದು ಅರಿಯಲಿಲ್ಲವೇಕೆ
ದೇಶದ ಮಕ್ಕಳಿಗಾಗಿ ದೇಹವೆಂದಿರೇಕೆ
ದೇಶವಿತ್ತಿತೇನಗೆ ದೇಶವೇನಾದರೇನಗೆ
ಎನದೆ ಹುತಾತ್ಮರಾಗಿ ಹೋದಿರೇಕೆ …

ಬದುಕ ಭೂಮಿಗೆ ಮೀಸಲಾಗಿಸಿದಿರೇಕೆ
ದೇಶ ಭಾರತವೆ ಉಸಿರೆಂದಿರೇಕೆ
ದೇಶವಿತ್ತಿತೇನಗೆ ದೇಶವೇನಾದರೇನಗೆ
ಎನದೆ ಹುತಾತ್ಮರಾಗಿ ಹೋದಿರೇಕೆ …

-ಭಾರತಿ ಪಿ.ಜಿ