ಕವಿತೆ ಹುಟ್ಟುವ ಸಮಯ…

ಮನದಾಳದ ಭಾವಗಳು ಒಂದೊಂದೇ ಹೊರಹೊಮ್ಮಿ

ಮನಕೆ ತಂಪೆರೆಚಲು ಕವಿತೆ ಹುಟ್ಟಿತು ಅಲ್ಲೇ…………

ನಿಂತಲ್ಲೆ ಕುಳಿತಲ್ಲೆ ಬಗೆಬಗೆಯ ಭಾವದಲೆ

ಪದಗಳನು ಜೋಡಿಸುತ ನೇಯ್ದು ಬಿಡಲೇ………

ಕೆಲವೊಮ್ಮೆ ಮನದಲ್ಲೆ ಮನೆ ಮಾಡಿ ನಿಲ್ಲುವುದು..

ಭಾವನೆಯೇ ಜೀವಾಳ ಕವಿತೆಗಳಿಗೇ. . ……..
ಗಾಳಿ ಬಂದೆಡೆ ಚದುರಿ ಹೋಗದಿರಿ

ಭಾವಗಳೆ ನಿಲ್ಲಿ ಒಂದೆಡೆ ನಿಲ್ಲಿ

ಮನದ ಪದ ಪುಂಜಗಳೇ

ಹೊಳೆಹೊಳೆದು ಕಂಡಲ್ಲೆ ಮಾಯವಾಗದಿರೀ………
.

ಒಮ್ಮೊಮ್ಮೆ ಕವಿತೆಗಳು ಮಿಂಚಿ ಮರೆಯಾದರು

ಮನದಲ್ಲೆ ಸುಖಿಸುವೆನು ಚಿಂತೆಯಿಲ್ಲಾ………..

ಭಾವದಲೆ ಅಲೆಯಾಗಿ ತೇಲಿತಲ್ಲ………….

ಯಾರದೂ ಹಂಗಿಲ್ಲ ಯಾರಿಗಿದು ಹೊರೆಯಲ್ಲ

ಎನ್ನದೆನ್ನದು ಎನಲು ಮುತ್ತುರತ್ನಗಳಲ್ಲ……..

ಭಾವಗಳ ಒರತೆಯದು ಭಾವ-ನಿಧಿಯೂ………….

ಮನದ ಭಾವಗಳೆಲ್ಲ ಚದುರಿದರು ನೋವಿಲ್ಲ

ಅಳಿದು ಹೋದರು ಚಿತ್ತಕೊತ್ತಡವು ಇಲ್ಲಾ….
.

ಯಾವ ನೋವಿಲ್ಲದಿರೆ ನಿರ್ಲಿಪ್ತ ಮೌನಗಳೆ ಅಂತರಂಗದ ಒಳಗೆ ಸುತ್ತುತಿಹುದೂ..

ಮನಸ್ಸಿನೊಳಗೇ ಅವಿತ ಮುತ್ತುಗಳು ಚಿಪ್ಪೊಡೆದು ಹೊರಬರಲು ತವಕಿಸುತ ಕಾಯುತಿಹುದೂ……

-ಪ್ರಮೀಳ ಚುಳ್ಳಿಕಾನ.
.