ಹಳೆಯದು ಎಂದೂ ಹಳೆಯದೇ

Share Button

ಕಣ್ಣೀರಿಟ್-ಕೊರ್ಗೋದು ಕಮ್ಮಿಯಾಗ್ಲೀ, ಮಗ
ಎಲ್ರೂ ಅಳ್ತಾ-ಗೋಳಿಟ್ರೆ-ಹೊರೋರ್ಯಾರ್ ನೊಗ !

ಹಳೆಯದು ಇಂದೂ-ಎಂದೂ ಹಳೇದೇ
ಕಳೆಯೋಣ ಈ ಕ್ಷಣ ಹೆಚ್ಚು ನೆನಪಿಸಿಕೊಳ್ದೇ
ಮರವೆಂದೂ ಮರುಗೋಲ್ಲಾ ಬಿದ್ದೆಲೆಗಳ್ಗೆ
ಮತ್ತೆ ಚಿಗ್ರತ್ತೆ  ಮತ್ತದೇ ಬಲ-ಛಲದೋಳ್ಗೆ
ಇರಲೇಬೇಕು ಹಂಗೇ ಜೀವನೋತ್ಸಾಹ
ಹನಿಸ್ಬೇಕ್ ಹರಿಸ್ಬೇಕ್ ಜೀವಕ್-ಪ್ರೋತ್ಸಾಹ

ಹಳೇದಿನಗ್ಳು ನಮ್ಗೆಲ್ಲಾರ್ಗೂ ಒಂದ್ಪರೀಕ್ಷೆ
ಕಡೆಗೂ ಉಳ್ಕೊಂಡಿದೀವಿ ತೊಟ್ನವಧೀಕ್ಷೆ
ಹಂಗೆಲ್ಲಾ ಸೋಲ್ಬಾರದು ಬಿಮ್ಮನೆ ಸುಮ್ಸುಮ್ನೆ
ಹೆದುರ್ಸಿ ಬೆದರ್ಸಿ ಅಟ್ತೀವಿ problem-ನೆ
ಆಗಿದೆ ಹೆಚ್ಚು ಹಾನಿ-ಗ್ಲಾನಿ, ತುಂಬಾ ಕಷ್ಟ
ಬಹಳಾ ಸಾವು, ನೋವು ಎಲ್ಲಾ ಅನಿಷ್ಟ

ಹಳೆಯದಿರಲೇಬೇಕು ಶ್ವಾಸ-ಶಾಶ್ವತ ಬೇರಾಗಿ
ಹೊಸತು ನಿಲ್ಲಬೇಕು ಸ್ಥಿರ-ಧೃಡ-ಗಡುಸಾಗಿ
rootlessness ಸು-ಸಂಸ್ಕೃತಿಯ ಕೆಡವೀತು
ಅಜ್ಜಅಜ್ಜಿಯಜ್ಜರಡಿಪಾಯ ಸದಾ ಸುಭದ್ರವು
ಭದ್ರ ಬುನಾದಿಯ ನೆನ್ನೆ-ಇಂದಿಗಾಯ್ತು ಪಿತೃವು
ಬಾಳದಾರಿ ಸವ್ಸಬೇಕು-ಸೊಗಸು,ತಿಳಿವು,ಅರಿವು

ನಾವ್ಯಾರು ಎಲ್ರನ್ನ ಕೇಳಿ ಹುಟ್ಟಿಬಂದವ್ರಲ್ಲಾ
ನಡೆದದ್ರಲ್ಲಿ-ಪಡೆದಿದ್ರಲ್ಲಿ ನಂಪಾಲೇನಿಲ್ಲಾ
ಎಲ್ರಾಡಿದ ಮಾತೆ, ಹಾಡ್ದ ಹಾಡೆ ನಾವ್ಹಾಡಿದ್ದು
ನಮ್ದೇ ರಾಗ/ತಾಳ/ದನಿ/ಪದ ಎಂದಿದ್ದದ್ದೂ?
ನಮಗ್ಯಾರಿಗೂ ಬೇಡವಿತ್ತು ಈ ಪರೀ ರಗಳೆ
ಬೇಡ್ರೀ ಅನ್ನೋಕೆ ಆಯ್ಕೆ ಇದ್ಯಾ ಹೇಳ್ಮಗಳೆ

ಉಳಿದಿದ್ದೀವಿ, ಇರೋಣ ಇದ್ದೇ ಗೆಲ್ಲೋಣ
ಹುಡುಕಿ ಕಡೆಯೋಣ ನಾಳಿನ ಹೂರಣ
ಕಟ್ಟಬೇಕಿಲ್ಲಾ ಹೊಸ್ದಾಗಿ ಹಸಿರುತೋರಣ
ಸಹಜತೆಯ ಆಭರಣಕ್ಕಿಲ್ಲಾ ಹೊಸ ಆವರಣ
ನಂಬಿಕೆ-ಸಹೃದಯತೆಯಿರಲಿ, ಕಹಿ ಮುಚ್ಚಿ
ದ್ರೋಹವನ ಕ್ಷಮಿಸಿಬಿಡೋಣ ಎಲ್ಲಾ ಕಣ್ಮುಚ್ಚಿ

ಸೋಲಾಗಿದೆ ಎಲ್ಲರ್ಗೂ, ಗೆಲ್ಲೋಣ ಜೊತ್ಜೊತೆಗೆ
ಈ-ನಂತ್ರ ಇರತ್ತೆ ನಿರಂತ್ರ ಸಂಭ್ರಮ ನಂ ಜೊತೆಗೆ

ಶ್ರೇಯಸ್ ಪರಿಚರಣ್

6 Responses

  1. ನಾಗರತ್ನ ಬಿ. ಅರ್. says:

    ಬದುಕಿನ ಹೋರಾಟದಲ್ಲಿ ಹಳೆಯ ಹೊಸದರ ಹಂದರದಲ್ಲಿ ವಿಶ್ವಾಸ ಪ್ರೀತಿ ನಂಬಿಕೆ ಕ್ಷಮಾಗುಣಗಳನ್ನು ಬೆಳೆಸಿಕೊಂಡು ಸಾಗುವ ಸಂದೇಶ ಹೊತ್ತ ಕವನ ಚೆನ್ನಾಗಿದೆ ಸಾರ್.

  2. ನಯನ ಬಜಕೂಡ್ಲು says:

    ಚೆನ್ನಾಗಿದೆ

  3. . ಶಂಕರಿ ಶರ್ಮ says:

    ಸೊಗಸಾದ ಸಂದೇಶ ಹೊತ್ತ ಆಡು ಭಾಷೆಯ ವಿಶೇಷವಾದ ಕವನ ಬಹಳ ಇಷ್ಟವಾಯ್ತು..ಧನ್ಯವಾದಗಳು.

  4. ವಿದ್ಯಾ says:

    ಹೊಸ ಬಗೆಯ ಕವನ ಓದಿ ಖುಷಿ ಆಯಿತು

  5. Padma Anand says:

    ಸಕಾತಾತ್ಮಕ ಭಾವನೆಗಳನ್ನು ಬಿತ್ತುವ ಆಡುಮಾತಿನ ಕವನ ವಿಭಿನ್ನವಾಗಿ ಮೂಡಿದೆ.

Leave a Reply to ವಿದ್ಯಾ Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: