ಮೌನದಲೇ ಒಲವೂಡುವೆ ; ಇದು ನನ್ನದೇ ಆಯ್ಕೆ
ಏಕೆಂದರೆ ನನಗದರಲಿ ತಿರಸ್ಕಾರದ ಭಯವಿರದು
ಏಕಾಂತದಲಿದ್ದೇ ಇಷ್ಟಪಡುವೆ ; ಏಕೆಂದರೆ ಇದು
ಸಹ ನನ್ನದೇ, ನನ್ನ ವಿನಾ ಬೇರಾರಿಗೂ ಹಕ್ಕಿರದು
ದೂರವಿದ್ದೇ ಆರಾಧಿಸುವೆ ; ಸಮೀಪವಾಗದೇ !
ಏಕೆಂದರೆ ಇದರಿಂದ ಯಾರಿಗೂ ನೋವಾಗದು !!
ಬೀಸಿ ಬಹ ತಂಗಾಳಿಯಲೇ ಕಚಗುಳಿಯಿಡುವೆ,
ಏಕೆಂದರೆ ಇದು ನನ್ನ ಅಧರಕಿಂತಲೂ ಮೃದು !!
ನಿನ್ನ ನನ್ನ ಕನಸುಗಳಲೇ ಅಪ್ಪಿ ಮುದ್ದಾಡುವೆ
ಕಾರಣ , ನನ್ನ ಮಧುರ ಸ್ವಪ್ನದಲಿ ನಿನಗೆ ಮುಪ್ಪೇ ಬರದು !
ಪರ್ಷಿಯನ್ ಮೂಲ : ಜಲಾಲ್ ಉದ್ ದೀನ್ ರೂಮಿ
ಇಂಗ್ಲಿಷಿನಿಂದ ಕನ್ನಡೀಕರಣ : ಡಾ. ಹೆಚ್ ಎನ್ ಮಂಜುರಾಜ್ , ಮೈಸೂರು
