ಮನವಿ ಮಾಡಿದೆ ಮರವು

MANJURAJ H N says:

ಮೂರು ನಾಲ್ಕು ಮಾತ್ರೆ ಗಣದಲ್ಲಿ, ನಾಲ್ಕು ಸಾಲಿನಲ್ಲಿ ರಚಿತವಾದ
ನಿಮ್ಮ ಈ ಕವಿತೆಯು ಸರಳವಾಗಿದೆ; ಆದರೆ ಅದರ ಅರ್ಥ
ಗಹನವಾಗಿದೆ.

ಮರವೇ ಮಾತಾಡುವ ಈ ಪರಿ ನಮ್ಮ ಆಂತರ್ಯವನ್ನು ಕಲಕುತ್ತದೆ
(ಅಂತರಾತ್ಮ ಇರುವವರಿಗೆ) ಅಂಥವರೇ ತಾನೇ ಕವಿತಾ ಓದುಗರು.

ಸಂವೇದನೆ ಇಲ್ಲದ್ದು ಕವಿತೆಯಲ್ಲ; ಅದು ಇನ್ನೇನೋ ಆಗಬಹುದು ಅಷ್ಟೇ.
ವೇದನೆಯನ್ನು ಸಂವೇದನೆ ಮಾಡುವ ಚಮತ್ಕಾರ ಕವಿಹೃದಯದ್ದು.

ಬರೀ ಮರಕ್ಕೆ ಮಾತ್ರ ಅನ್ವಯಿಸದು ನಿಮ್ಮ ಸಾಲುಗಳ ವಿಷಾದ. ಬದುಕಿನ
ಸಖರು ಯಾರ್ಯಾರು ಇದ್ದಾರೋ ಅವರೆಲ್ಲರಿಗೂ ಅದಕೆಲ್ಲಕೂ ಅನ್ವಯಿಸಿ
ನಾವು ಓದಿಕೊಂಡರೆ ಕವಿತೆಯ ಅರ್ಥವು ಹಿರಿದಾಗುವುದು.

ಅವರು ನೇರವಾಗಿ ಮರವು ಮಾಡಿದ ಮನವಿ ಅಂದಮೇಲೆ ನಿಮ್ಮದೇನು
ಪ್ರತಿಷ್ಠೆ ಎನ್ನಬಹುದು ಬರೀ ಸಾಲುಗಳನ್ನು ವಾಕ್ಯವಾಗಿಸಿಕೊಂಡು ಅರ್ಥ
ಮಾಡಿಕೊಳ್ಳುವ ಇತರರು. ಕವಿತೆಯ ಧ್ವನಿ, ರಸ ಮತ್ತು ಔಚಿತ್ಯಗಳು
ಬಹಳ ಮುಖ್ಯ. ಈ ಮೂರೂ ಕಾವ್ಯಗಾಯತ್ರಿಗಳು ನಿಮ್ಮ ಈ ಪದ್ಯದಲ್ಲಿವೆ.

ನಾನು ಕನ್ನಡ ಎಂಎ ತರಗತಿಗೆ ಪಾಠ ಮಾಡುವಾಗ ಇಂಥದನ್ನು
ಬಳಸಿಕೊಳ್ಳುತ್ತೇನೆ. ಉದಯೋನ್ಮುಖರನ್ನು ಕಾವ್ಯಕ್ಷೇತ್ರಕ್ಕೆ ಸೆಳೆಯುವ
ಒಂದಂಶವಾಗಿ. ಅದಕ್ಕಾಗಿ ನಿಮಗೆ ವೈಯಕ್ತಿಕವಾಗಿ ಧನ್ಯವಾದಗಳು.

ನಿಜಕೂ ಸರಳ ಸುಂದರ ಮತ್ತು ನೇರ. ಸ್ವಲ್ಪ ಆಯ ತಪ್ಪಿದ್ದರೂ
ಕೇವಲ ವರದಿವಾಚನ ಆಗುತ್ತಿತ್ತು. ಇದೀಗ ಕಾವ್ಯವಾಚನ ಆಗಿದೆ.

ಅದಕಾಗಿ ನಾನು ಇಷ್ಟೆಲ್ಲ ಬರೆದೆ. ಪ್ರಣಾಮಗಳು. ಮುಖ್ಯವಾಗಿ
ಪ್ರಕಟಿಸಿದ ಸುರಹೊನ್ನೆಗೆ ಶರಣು.