ಹೊಸ ವರ್ಷ ಆಚರಣೆ

Spread the love
Share Button


ನಮ್ಮ ಪೂರ್ವೀಕರ ನವವರುಷ ಯುಗಾದಿ
ಕಾಲಮಾನ ಗಣನೆ ಸಂವತ್ಸರಗಳು ಪ್ರಭವಾದಿ
ಈ ಗ್ರಿಗೋರಿಯನ್ ಕಾಲಮಾನದ ಕಾಲೆಂಡರ್ ದೇಣಿಗೆ
ಬ್ರಿಟೀಷರ ದಾಸ್ಯ ಸಂಕೋಲೆಯ ನೆನಪಿನ ಕೊಡುಗೆ.

ನಮ್ಮ ಹಿರಿಯರೂ ಆಚರಿಸುತ್ತಿದ್ದರು ಹೊಸ ವರ್ಷ
ಸಿಹಿ ತಿಂದು ದೇಗುಲಗಳಿಗೆ ಭೇಟಿಯಿತ್ತು ಹರ್ಷ
ನಮ್ಮ ಕಾಲದ ಅಭ್ಯಾಸ ಹೊಸ ವಸ್ತ್ರ ಧಾರಣೆ
ರಾತ್ರಿಯಲಿ ದೂರದರ್ಶನ ಕಾರ್ಯಕ್ರಮಗಳ ವೀಕ್ಷಣೆ

ಈ ತಡರಾತ್ರಿ ಕೂಟಗಳು ಜೊತೆಗೆ ಪಾನಗಳ ಕಾಟ
ಕುಡಿದ ಮತ್ತಿನಲಿ ಅಸಭ್ಯ ವರ್ತನೆ ವಾಹನ ಚಲಿಸಾಟ
ನಾವೇನು ಕಮ್ಮಿ ಎಂದು ಕೈಜೋಡಿಸುವ ಮಾನಿನಿಯರು
ಎಲ್ಲವನೂ ವೈಭವೀಕರಿಸುವ ಸಾಮಾಜಿಕ ತಾಣಗಳು.

ಕಾರಣರ್ಯಾರು ಈ ಎಲ್ಲಾ ನೈತಿಕ ಅಧಃಪತನಕೆ
ಕುಡಿದಮಲಿನಲಿ ಆಗುತಿಹ ದಾರುಣ ಅನಾಹುತಕೆ
ಪರಂಪರೆಯ ಮೇಲಿನ ಈ ಧಾಳಿಯನು ಸಹಿಸಬೇಕೇ
ಕಾಲಚಕ್ರದಲಿದು ಸಹಜವೆಂದು ಮುನ್ನಡೆಯಬೇಕೇಕೆ?

ಇಂದಿನ ಯುವಜನತೆ ತಾನೇ ಉಳಿಸಬೇಕು ಸಂಸ್ಕೃತಿ
ಅವರಲ್ಲಿ ಹಚ್ಚಬೇಕಾಗಿದೆ ಈಗ ಜಾಗೃತಿಯ ಜ್ಯೋತಿ
ಸಾಂಪ್ರಧಾಯಿಕತೆಯಲಿರುವ ಸುರಕ್ಷತೆಯ ಇತಿಮಿತಿ
ತಿಳಿಯಬೇಕಿದೆ ಜೀವನ ಹಾಳುಮಾಡಿಕೊಳ್ಳದ ರೀತಿ.

ಸುಜಾತಾ ರವೀಶ್

7 Responses

  1. Anonymous says:

    ಪ್ರಕಟಣೆ ಮಾಡಿದ್ದಕ್ಕಾಗಿ ಸಂಪಾದಕಿ ಯವರಿಗೆ ಧನ್ಯವಾದಗಳು

    ಸುಜಾತಾ ರವೀಶ್

  2. Padma Anand says:

    ಎಚ್ಚರಿಕೆಯ ಗಂಟೆ ಬಾರಿಸುವ ಈ ಹೊತ್ತಿನ ಅಗತ್ಯವಾಗಿದೆ ಈ ಕವಿತೆ. ಆದರೆ ಬೆಕ್ಕುಗಳಿಗೆ ಗಂಟೆ ಕಟ್ಟುವರ್ಯಾರೋ ಗೊತ್ತಿಲ್ಲ. ಸಾಮಾಜಿಕ ಬದ್ಧತೆಯನ್ನು ಹೊಂದಿದ ಕಳಕಳಿಯ ಕವಿತೆಗಾಗಿ ಅಭಿನಂದನೆಗಳು.

  3. ನಾಗರತ್ನ ಬಿ. ಅರ್. says:

    ಹೊಸವರ್ಷದ ಆಚರಣೆ ಬಗ್ಗೆ ಅಂದು ಇಂದಿನ ರೀತಿ ನೀತಿಗಳು ಭಾರತೀಯರಾದ ನಮ್ಮೆಲ್ಲರ ಆದ್ಯತೆ ಅದರ ಜವಾಬ್ದಾರಿ ಯನ್ನು ಕವನದಲ್ಲಿ ಕಟ್ಟಿಕೊಟ್ಟಿರುವುದು ಚೆನ್ನಾಗಿ ದೆ ಧನ್ಯವಾದಗಳು ಮೇಡಂ

  4. B C Narayana murthy says:

    ಉತ್ತಮ ಸಂದೇಶಪೂರಿತ ಕವನ , ಚೆನ್ನಾಗಿದೆ

  5. ನಯನ ಬಜಕೂಡ್ಲು says:

    ಕಾಳಜಿಯುಕ್ತ ಉತ್ತಮ ಸಂದೇಶ ತುಂಬಿರುವ ಕವನ

  6. . ಶಂಕರಿ ಶರ್ಮ says:

    ಹೊಸ ವರುಷದ ಆಚರಣೆಯನ್ನು ನಮ್ಮ ಸಂಸ್ಕೃತಿಗೆ ಅನುಗುಣವಾಗಿ ಆಚರಿಸಲು ಸೊಗಸಾದ ಕವನದ ಮೂಲಕ ಕರೆನೀಡಿರುವ ತಮಗೆ ಧನ್ಯವಾದಗಳು ಮೇಡಂ.

  7. Padmini Hegade says:

    ಸಂದೇಶ ಚೆನ್ನಾಗಿದೆ

Leave a Reply to Padmini Hegade Cancel reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: