ಕುರುಡು ಕನಸು

Share Button

ಮೆತ್ತಗಾದ ಮೈ ಕತ್ತಲಾದ ಮನಸು
ಮತ್ತೆ ಮತ್ತೆ ಕಾಣುತಿದೆ ಕುರುಡು ಕನಸು

ಬಳಲಿ ತೊಳಲಿ ಬೆಂದು ನೊಂದು ನೋವು ನುಂಗಿ
ಅಡರಿ ದೇಹ, ತಬ್ಬಿ ತನುವ ಬಿಗಿದು ಕೈ
ಸೆಟೆದು ಮೈ, ದುಡಿದು ದಣಿದು ದಿನವು ತಣಿದು
ಸೋತು ಸತ್ತ ಸಂಭ್ರಮವೆಷ್ಟೊ? ಬರಿಯ ಬೆವರು!

ಮೆತ್ತಗಾದ ಮೈ ಕತ್ತಲಾದ ಮನಸು
ಮತ್ತೆ ಮತ್ತೆ ಕಾಣುತಿದೆ ಕುರುಡು ಕನಸು

ಬಾಳು ಗೋಳು ಬದುಕು ಬರಡು ಬಯದ ನೆರಳು
ನಿತ್ಯ ನರಕ ಬಾಳ ನಾಕ ಬವಿತಕ್ಕಿಲ್ಲ ಬೆಳಕ ಲಾಂದ್ರ
ಕಂಡ ಕನಸು ಮಸುಕು-ಮಸುಕು ಮಬ್ಬಿನಂತೆ
ಮಬ್ಬು ಕವಿದೀ-ಮನ ಮಣ್ಣು ಬೇಡುತಿದೆ ಮೈಗೆ

ಮೆತ್ತಗಾದ ಮೈ ಕತ್ತಲಾದ ಮನಸು
ಮತ್ತೆ ಮತ್ತೆ ಕಾಣುತಿದೆ ಕುರುಡು ಕನಸು

ತಿದ್ದಿ ತೀಡಿ, ಜಾಡು ಹೊಡೆದು,ಕಸವ ಗುಡಿಸಿ
ಬಣ್ಣ ಬಳಿಯಬೇಕಾಗಿದೆ ಗರ್ಭಗುಡಿಗೆ !
ಕೆಸರು ತುಂಬಿದ ಬಸಿರಿನಲಿ ಕಾಯುತಿದೆ ನೊಂದು
ಬಯಕೆ ಹೂವು ಬರುವುದೆಂದೊ ಬತ್ತಿ ನಿಂತ ಮೊಗ್ಗಿನಿಂದ!

ಮೆತ್ತಗಾದ ಮೈ ಕತ್ತಲಾದ ಮನಸು
ಮತ್ತೆ ಮತ್ತೆ ಕಾಣುತಿದೆ ಕುರುಡು ಕನಸು

 

– ಜಿ ಶಿವಕುಮಾರ ಸೋಗಿ , ಕೈಗಾ, ಕಾರವಾರ

4 Responses

  1. ಶ್ರೀನಿವಾಸ says:

    ಕಾರವಾರ ನಿನ್ನಲ್ಲಿ ಇದ್ದ ಕವಿತ್ವದ ಶಕ್ತಿಯನ್ನು ಹೆಚ್ಚಿಸುತ್ತದೆ

  2. Loki says:

    ಸೂಪರ್ sogi

  3. Eranna v says:

    Ninna manada mathu kurudu kanusu balalli bendu nadeva gataneve e kurudu kanusu super shivu

Leave a Reply to Lokesh MG Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: