ಭರವಸೆ

“ಏಕೆ ಹೀಗೆ
ಮೂಕವಾಗಿ ರೋದಿಸುತ್ತಿದೆ
ಈ ಮನ….?,
ತುಂಬಿಕೊಳ್ಳದಿರು ಹೀಗೆ
ಕಣ್ಣೀರ….
ಹೊಳೆವ ನಯನ “.

“ಮರೆತು ಬಿಡು ನೀ
ಬಿಚ್ಚಿ ಬಣ್ಣ ಬಣ್ಣದ ನೆನಪುಗಳ
ನೋವಿನ ಗಳಿಗೆ,
ಮತ್ತೆ ಬರುವುದು ನಲಿವಿನ ಕ್ಷಣವೆಂಬ
ಭರವಸೆಯ ಬೆಳಕು
ಈ ಬದುಕಿನ ಹಾದಿಗೆ”.

“ಕಾಯುವಿಕೆಯೊಂದು ತಪ
ಮರೆತೆಯಾ ನೀನು…?
ಒಲವ ಉಸಿರಾಗಿಸಿ ಸಾಗೇ
ಈ ಬಾಳು ಬೆರೆತಂತೆ
ಹಾಲು-ಜೇನು “.

“ನಿರ್ಜೀವ ಶಿಲೆಯೂ ಕರಗುವುದು
ಪ್ರಕೃತಿಯ ಬದಲಾವಣೆಯಲ್ಲಿ,
ನೀನೇಕೆ ಹೀಗೆ ನಲುಗುವೆ ಮನವೇ…
ಕಲ್ಪಿತ ಬವಣೆಯಲ್ಲಿ…? “.

“ಕನಸುಗಳು ತುಂಬಿದ ಕಣ್ಣಲ್ಲಿ
ನೀರಾಡದಿರಲಿ,
ಇಂದು ಕಳೆದು
ಮತ್ತೆ ಬರುವುದೊಂದು ನಾಳೆ ಎಂಬ ಭರವಸೆ ಸದಾ
ಬೆಳಗುತ್ತಿರಲಿ “.

– ನಯನ ಬಜಕೂಡ್ಲು