ಅಮ್ಮ

ಜಗದಲ್ಲೇ ಎನ್ನ ಕಾಯುವ ಪರಮಾಪ್ತ ಬಂಧುವೇ
ಕರುಣೆ ಮಮಕಾರ ತುಂಬಿದ ಪ್ರೇಮ ಸಿಂಧುವೇ

ನೀನು ಕೈತುತ್ತು ಕೊಟ್ಟು ಸಾಕಿದ ದೇಹದ ಬಲದಿಂದ ಬದುಕಿರುವೆ
ನೀ ನಡೆದು ತೋರಿದ ನೈತಿಕ ದಾರಿಯಲ್ಲಿ ಸಾಗಿರುವೆ

ನಿನ್ನ ಮಡಿಲಲ್ಲಿ ಇದ್ದ ಆ ದಿನಗಳೇ ನಮಗೆ ಸ್ವರ್ಗದ ದಿನಗಳು
ನಿನ್ನಯ ಹಿತನುಡಿಗಳೇ ನಮಗೀಗ ನಂದದ ದೀವಿಗೆಗಳು

ತುಸು ಕೋಪ ಹುಸಿಮುನಿಸು ನೀನು ತೋರಿದರೂ ಎದೆಯಲ್ಲಿ ಬತ್ತದ ಪ್ರೀತಿ ತುಂಬಿಕೊಂಡಿರುವೆ
ಕಸುವು ಇರುವಷ್ಟು ದಿನ ಮನೆ ಮಕ್ಕಳಿಗಾಗಿಯೇ ದುಡಿದಿರುವೆ

ಅನುಗಾಲ ಅನುಕ್ಷಣವೂ ನೀನು ನೀಡಿದ ಭಿಕ್ಷೆ
ಸದಾಕಾಲವೂ ಬಿಡದೆ ಕಾಯಲಿ ನಮ್ಮನು ನಿನ್ನ ಶ್ರೀ ರಕ್ಷೆ

— ಶರಣಬಸವೇಶಕೆ. ಎಂ