ಬೆಳಕು-ಬಳ್ಳಿ

ಅಪ್ಪನಿಗೆರಡು ಸಾಲು

Share Button

ಅಪ್ಪನಲ್ಲವೆ ಅಕ್ಕರೆಯ
ತುಪ್ಪದ ಸವಿ ತೋರಿದವನು
ತನ್ನ ದುಡಿಮೆಯಲೆಮಗೆ
ಉಣಿಸಿ ಉಡಿಸಿದವನು

ಅಪ್ಪನಿಲ್ಲದ ಜೀವನ
ಉಪ್ಪಿಲ್ಲದ ಸಪ್ಪೆ ಕೂಳು
ಅಪ್ಪನಿರೆ ತಾನೇ ನಿತ್ಯ
ಸಂತಸದ ಬಾಳು

ಅಪ್ಪನಲ್ಲವೆ ತಾ ಸಿಪಾಯಿ
ಮನೆಗೆ ಕಾವಲು
ಅಪ್ಪನ ಹಣೆಯ ಬೆವರ ಸಾಲು
ಬೆಳಗುವುದೆಮ್ಮ ಬಾಳು

ಅಮ್ಮನಿಗೂ ಜೊತೆಗಾರ
ಮನೆಯ ಸಲಹೆಗಾರ
ಮನೆಯವರ ಏಳಿಗೆಯಲಿ
ಅವನ ಜೀವನ ಸಾಕಾರ

ನಿಸ್ವಾರ್ಥಿ ಹುಡುಕುವನೆಲ್ಲ
ಕಷ್ಟಕೆ ಪರಿಹಾರವನ್ನ
ಅಪ್ಪನ ದಿನದಂದು
ಅವನಿಗೊಂದು ನಮನ

-ನಟೇಶ

7 Comments on “ಅಪ್ಪನಿಗೆರಡು ಸಾಲು

  1. ಅಪ್ಪ ನಿಮಗೊಂದು ನಮನ ಸರಳ ಸುಂದರವಾಗಿ ಮೂಡಿಬಂದಿದೆ ಅಭಿನಂದನೆಗಳು ಸಾರ್

  2. ಹೌದು ಅಪ್ಪನ ತ್ಯಾಗ ಯಾವತ್ತೂ ಬೆಳಕಿಗೆ ಬಂದದ್ದಿಲ್ಲ. ಸೊಗಸಾಗಿದೆ

  3. ಅಪ್ಪನಿಲ್ಲದ ಮಕ್ಕಳ ಆತ್ಮವಿಶ್ವಾಸ ಅದೆಷ್ಟು ಕುಂದುತ್ತದೆ ಎಂಬುದನ್ನು ನಾನು ಮಕ್ಕಳಲ್ಲಿ ನೋಡಿದ್ದೇನೆ.
    ಒಳ್ಳೆಯ ಕವನ. “ಅಪ್ಪನ ಬೆವರ ಸಾಲು……” ಒಳ್ಳೆಯ ನಿರೂಪಣೆ.

  4. ಅಪ್ಪನಿಗೊಂದು ನುಡಿ ನಮನ…ಚೆನ್ನಾಗಿದೆ.

  5. ಸುಂದರ ಕವನ. ಅಪ್ಪನ ನೆನಪುಗಳೇ ಮನಸ್ಸನ್ನು ಆರ್ದಗೊಳಿಸುತ್ತದೆ.

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *