ಒಲುಮೆಯಲಿ
ಗೆಲ್ಲುವೆವು ಎನುತ
ಓಡುವ ನದಿಗಳು ಸಾಗರದತ್ತ
ಕಳೆದುಕೊಂಡು ತನ್ನತನವ
ಕುದಿಯುತಿವೆ ಹತಾಶೆಯಲಿ
ಅಸ್ತಿತ್ವಕ್ಕಾಗಿ ಅವುಗಳ ಮೊರೆತವು
ಸಮಾನ ದುಃಖಿಗಳಿಗೆ ಅದೇ ಸಾಂತ್ವನವು
***
ತಡವಾಯಿತು ಅಡುಗೆಯೆಂದು ಸಿಡುಕುತ್ತಲೆ
ಅವನು
ಸವಿಯಲೇ ಇಲ್ಲ ಅಡುಗೆಯ ಸವಿರುಚಿಯ
***
ಸ್ಪರ್ಧೆಯಲಿ ಗೆಲುವೊಂದೇ ಲಕ್ಷ್ಯ
ಸಹಬಾಳ್ವೆಯಲಿ ಸಮಾನತೆಯ ಸೌದಾರ್ಯ
***
ಎಲ್ಲಕ್ಕೂ,
ಪ್ರಕೃತಿಗೂ
ಇದೆ ಕಾಲನ ಹಿಡಿತ
ನೆನಪು ಮಾತ್ರ ಕಾಲಾತೀತ
-ಎಂ. ಆರ್. ಅನಸೂಯ
ಚಂದದ ಹನಿಗಳು
ಧನ್ಯವಾದಗಳು
ವಾವ್ ಚಿಕ್ಕ ಪದಗುಚ್ಛ ಗಳಲ್ಲಿ ಅಡಗಿದೆ ಉತ್ತಮ ಸಂದೇಶ.ಅಭಿನಂದನೆಗಳು ಮೇಡಂ.
ಸೊಗಸಾದ ಚುಟುಕುಗಳು..ಸುಂದರ ಭಾವಾಭಿವ್ಯಕ್ತಿ.