ಅಕ್ಷರದೊಡತಿಗೆ ಅಕ್ಕರೆಯಿಂದ

Spread the love
Share Button

ಅಕ್ಷರದರಸಿಯೇ ನಮನ
ಇಂದು ನಿನ್ನತ್ತವೇ ಗಮನ
ನೀನಿರಲೆಲ್ಲರ ಮನೆಮನ
ಕಾಣುವೆರು ಆನಂದವನ

ವಿದ್ಯಾದೇಗುಲದೊಡತಿ
ಬ್ರಹ್ಮನರಾಣಿ ಸರಸ್ವತಿ
ವೀಣಾಪಾಣಿ ಭಗವತಿ
ಕರುಣಿಸೆಮಗೆ ಸನ್ಮತಿ

ವಿದ್ಯೆಯಿರದ ಕೂಸು
ಬುದ್ದಿಯಿರದಿಹ ಪಶು
ಇದ್ದರೂ ಇಲ್ಲದಂತೆ ಅಸು
ಆದಾನವನು ಬರೀ ಬೂಸು

ಒಲಿದು ಬಾ ನೀ ಶಾರದೆ
ನಿನಗಾಗಿ ಹೃದಯ ತೆರೆದೆ
ಭಕ್ತಿಯ ಪ್ರೀತಿಯ ಎರೆದೆ
ಕರವನು ಮುಗಿದು ಕರೆದೆ

ಕಾಶ್ಮೀರಪುರದ ವಾಸಿನಿ
ನಿತ್ಯವೂ ನೀ ಸುಹಾಸಿನಿ
ಆಪ್ತೆ ಅಭಯಪ್ರದಾಯಿನಿ
ಅಕ್ಷರದಿ ನಮಿಪೆ ಪೊರೆ ನೀ

 – ಗಣೇಶಪ್ರಸಾದ ಪಾಂಡೇಲು

1 Response

  1. Shruthi Sharma says:

    ತುಂಬಾ ಚೆನ್ನಾಗಿದೆ. ಅಕ್ಷರದೊಡತಿಗೆ ನಮನಗಳು..

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: