ಕಂಡೆಯ ಕೃಷ್ಣನ ಸಖಿ
ಕಾಣದೆ ಹುಡುಕಿ ದಣಿದಿಹೆ,
ಕದಿಯುವುದು ಕರಗತವಾದ ಕೃಷ್ಣಾ
ನನ್ನ ಮನವನ್ನು ಕದ್ದು ಮಾಯವಾಗಿಹ
ಕಂಡರೆ ತಿಳಿಸುವೆಯಾ ಸಖಿ
ಈ ರಾಧೆ ಕಾಯುತಿಹಳೆಂದು,,
ಹಗಲಿನಲ್ಲಿ ಬೆಣ್ಣೆಯನ್ನು ಕದ್ದು
ಇರುಳಲ್ಲಿ ನನ್ನ ಮುತ್ತನ್ನು ಕದ್ದು
ವಿರಹದಿ ನನ್ನ ಉರಿಸುತಿಹ ಕೃಷ್ಣನಿಗೆ
ತಿಳಿಸುವೆಯಾ ಗೆಳತಿ – ಸಖಿ
ಈ ರಾಧೆ ಕಾಯುತಿಹಳೆಂದು,,,
ಭಾಮ ರುಕ್ಮಿಣಿಯರ ಒಲುಮೆಯೊಳು
ಮರೆತಿಹನೆನೋ ಮಾಧವ ನನ್ನ
ಹುಣ್ಣಿಮೆ ಬಂದಿದೆ
ಈ ರಾಧೆ ಕಾಯುತಿಹಳೆಂದು,,,
ಕೃಷ್ಣನ ಹುಡುಕಿ
ತಿಳಿಸುವೆಯಾ – ಸಖಿ
– ವಿದ್ಯಾ ವೆಂಕಟೇಶ್. ಮೈಸೂರು
ಸರಳ ಸುಂದರ ಕವನ ಚೆನ್ನಾಗಿದೆ ಸೋದರಿ ವಿದ್ಯಾ
ವಂದನೆಗಳು ಅಕ್ಕಾ
ಬ್ಯೂಟಿಫುಲ್
ವಂದನೆಗಳು ಮೇಡಂ
ರಾಧಾ ಮಾಧವರ ಪವಿತ್ರ ಪ್ರೇಮ, ಕಾಯುತ್ತಿರುವ ರಾಧೆಯ ಮನದೊಳಗಿನ ಮಾತು, ಕವನದಲ್ಲಿ ಸುಂದರವಾಗಿ ಮೂಡಿ ಬಂದಿದೆ.
ವಂದನೆಗಳು ಮೇಡಂ,
ಕೃಷ್ಣ, ರಾಧೆಯರು ಎಷ್ಟೊಂದು ರಸಿಕ ಕವಿ ಮನಸ್ಸುಗಳುಗೆ ವಸ್ತುವಾಗಿದ್ದಾರೆ? ಸುಂದರ ಕವನ