ಗೋಪೀಗೀತ

Share Button

 

ನನ್ನೊಳಗೆ ಅವನಿಹನೊ ಅವನೊಳಗೆ ನಾನಿಹೆನೊ
ಬಂಧವೆಂತಿದುವೆಂದು ಅರಿಯದಾದೆ.
ಮುನ್ನಡೆಸುತಿಹನೊ ಬೆನ್ಗಾವಲಾಗಿಹನೊ ಆ-
ನಂದದೀ ಘಳಿಗೆಯಲಿ ತಿಳಿಯದಾದೆ.

ಕೊಳಲು ನಾನಾಗಿಹೆನೊ ನನ್ನೊಳಗೆ ಕೊಳಲಿಹುದೊ
ಉಲಿಯುತಿರಲವನುಸಿರು ಬೆರೆತು ಹೋದೆ.
ಮಳಲಿನೊಳಗವನೊಡನೆ ಮರುಳಾಗಿ ನಲಿದಾಡಿ
ಕಳೆದು ಹೋಗುವ ಸುಖದೊಳಾನು ಇಳಿದೆ.

ರಾಧೆಯೊಳಗೂ ನಾನೆ ಮಾಧವನೊಳಗು ನಾನೆ
ಬಾಧೆಗಳು ಕಾಡದೀ ತೀರದಲ್ಲಿ.
ಕೋದು ಹೋಗಿರಲಾನು ಕೃಷ್ಣನೆದೆ ಮಾಲೆಯಲಿ
ಮೋದ ನೋಡುತ್ತಿಹಳು ಯಮುನೆಯಿಲ್ಲಿ.

– ಭಾವನಾ

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: