ಚುಕ್ಕೆ ಮತ್ತು ಮಕ್ಕಳು
‘
ಚುಕ್ಕಿ ಬಳಗದ ಚಂದ್ರನಶಾಲೆ
ಬಟ್ಟ ಬಯಲಿನ ಆಕಾಶ |
ರಾತ್ರಿ ಹೊತ್ತು ಸುರುವಾದ್ರದಕೆ
ಬೆಳಗಿನ ವರೆಗೂ ಅವಕಾಶ |
‘
ಆಟ ಆಡ್ತಾ ಕಲಿಯುವ ಚುಕ್ಕೆಗೆ
ಬೇಸರವೆಂಬುದೆ ಗೊತ್ತಿಲ್ಲ |
ಗಾಳಿ ಆಡದ ಕ್ಲಾಸ್ ರೂಮಲ್ಲಿ
ಕೂಡಿ ಹಾಕಿದ ಭಯವಿಲ್ಲ |
‘
ಟ್ಯೂಶನ್ ಗೀಶನ್ ಹೋಂ ವರ್ಕಂತ
ಚುಕ್ಕೆಗೆ ಚಂದ್ರನು ಕಾಡೊಲ್ಲ |
ಅಪ್ಪ ಅಮ್ಮ ಆಡ ಬ್ಯಾಡಂತ
ದಿನವೂ ಕಿರಿಕಿರಿ ಮಾಡೊಲ್ಲ |
‘
‘
ನಗುತ ನಗುತ ಕಲಿಯುವ ಚುಕ್ಕೆ
ಫಳ ಫಳ ಫಳ ಫಳ ಹೊಳೆಯುವವು |
ಒತ್ತಡದಲ್ಲಿ ಕಲಿಯುವ ಮಕ್ಕಳು
ಚಣ ಚಣ ದಿನ ದಿನ ಬಳಲುವವು |
‘
ಪುಟ್ಟಾ ಪುಟ್ಟಾ ಪ್ರಯೋಗದಿಂದ
ಹೊಸಹೊಸದನ್ನು ಕಲಿಯುದಕೆ |
ಎಳ್ಳಷ್ಟಾದರೂ ಸಮಯವಿಲ್ಲ
ಅದಕೆ ಮಕ್ಕಳಿಗೆ ವಾಕರಿಕೆ |
.
– ಚಂದ್ರಗೌಡ ಕುಲಕರ್ಣಿ
.
.
