ವೀರರಾಣಿ ಅಬ್ಬಕ್ಕ….ಚೌಟ ಅರಮನೆ

ಹದಿನಾರನೆಯ ಶತಮಾನದಲ್ಲಿ, ದಕ್ಷಿಣ ಕನ್ನಡ ಜಿಲ್ಲೆಯ ‘ಉಳ್ಳಾಲ’ದ ಹೆಮ್ಮೆಯ ರಾಣಿಯಾಗಿ ಅಜರಾಮರಳಾದವಳು ‘ತುಳುನಾಡಿನ ವೀರರಾಣಿ ಅಬ್ಬಕ್ಕ’ . ಪೋರ್ಚುಗೀಸರಿಗೆ ತಲೆಬಾಗದೆ ಕೊನೆಯುಸಿರಿರುವ ವರೆಗೂ ಹೋರಾಡಿದ ಖ್ಯಾತಿ ಇವಳದು.

ಈಕೆ ಮೂಡುಬಿದಿರೆಯ ಜೈನಧರ್ಮದ ‘ಚೌಟ’ ಅರಸು ಮನೆತನದವಳು. ಈಕೆಯ ತವರು ಮನೆಯೆಂದು ಗುರುತಿಸಲ್ಪಡುವ ‘ಚೌಟ ಅರಮನೆಯು’ ಮೂಡುಬಿದಿರೆಯ ಜೈನ ಬಸದಿಯ ಸಮೀಪದಲ್ಲಿದೆ. ಹಿಂದೆ ಅಲ್ಲಿ ಇದ್ದ ಅರಮನೆಯ ಕುರುಹಾಗಿ ಈಗ ಅಲ್ಲಿ ಒಂದು ಹೆಂಚು ಹೊದಿಸಿದ ಮನೆ, ಆನೆಬಾಗಿಲು ಮತ್ತು ಕಾವಲುಗೋಪುರ ಇವೆ.

ಅಬ್ಬಕ್ಕ ಹುಟ್ಟಿದುದು 1525 ರಲ್ಲಿ. ಆಗಿನ ಕಾಲದ ಚೌಟರ ವಂಶದಲ್ಲಿದ್ದ ‘ಅಳಿಯಸಂತಾನ’ ಪದ್ಧತಿಯಂತೆ, ಅಬ್ಬಕ್ಕ ತನ್ನ ಮಾವ ತಿರುಮಲರಾಯನ ಊರಾದ ಉಳ್ಳಾಲದ ರಾಣಿಯಾಗಿ ನೇಮಕಗೊಂಡಳು. ತನ್ನ ರಾಜತಾಂತ್ರಿಕತೆ ಮತ್ತು ಶೌರ್ಯದಿಂದಾಗಿ ಪದೇ ಪದೇ ಕಾಡುತ್ತಿದ್ದ ಪೋರ್ಚುಗೀಸರನ್ನು ಸಮರ್ಥವಾಗಿ ಹಿಮ್ಮೆಟ್ಟಿಸಿದ ರಾಣಿಯಾಗಿದ್ದಳು ಅಬ್ಬಕ್ಕ. ರಾಣಿಯಾಗಿದ್ದರೂ ತೀರಾ ಸಾಮಾನ್ಯ ಪ್ರಜೆಯಂತೆ ಬದುಕುತ್ತಿದ್ದ ಈಕೆ ಜನಾನುರಾಗಿಯಾಗಿದ್ದಳು.

+21