ಅಳಲು

Share Button

 

 

Adarsha B  Vasistha

ಆದರ್ಶ ಬಿ ವಸಿಷ್ಠ, ಪುಣೆ

 

ನಾನೀಗ ಮಾಸಿದ ಪಾತ್ರೆ ,
ನನ್ನ ಜಾಗ ಅಡುಗೆ ಮನೆಯ ಮೂಲೆ ,
ಅರೆಬರೆ ಮಿಕ್ಕಿದ, ಅರ್ಧ ತಿಂದು
ಇನ್ನರ್ಧ ಕಕ್ಕಿದ, ಹಳಸಿದ ತಿನಿಸು ಮಾತ್ರ ನನಗೆ

ನನಗೂ ಯೌವನವಿತ್ತು ,
ಮಿರಿ ಮಿರಿ ಮಿಂಚುವ ಬಣ್ಣವಿತ್ತು,
ನನ್ನ ಒಡಲಲ್ಲೂ ಕೆನೆ ಹಾಲು ತೇಲಿತ್ತು.
ಈ ಮನೆಯ ಗೃಹಪ್ರವೇಶವೂ ನನ್ನ
ಹೃದಯದಿಂದ ಉಕ್ಕಿದ ಸಿಹಿ ಹಾಲಿಂದಲೇ ಆಗಿತ್ತು.

ಆದರೆ ಕಿಲುಬು ಹಿಡಿದಿದೆ ನನಗೀಗ,
ಶುಭದ ಯಾವುದೇ ಕೆಲಸಕ್ಕೂ ಯೋಗ್ಯನಲ್ಲ ನಾ ,
“ಎಷ್ಟು ಚಂದವಿದೆ, ಈ ಪಾತ್ರೆ ” ಎಂದು
ಹೊಗಳಿದ್ದ ನನ್ನ ಮನೆಯವರೇ ,
ಈಗ “ಕಾಲು-ಕಾಲಿಗೆ ಸಿಗುತ್ತೆ ಹಾಳಾದ್ದು ” ಎಂದು ತೆಗಳುವರು

ಇಂದಲ್ಲ ನಾಳೆ ನಾ ಇಲ್ಲಿಂದ ಹೊರಡುವವ
“ಹಳೇ ಪೇಪರ್ -ಖಾಲಿ ಶೀಶೆ ” ಮಾರುವವನ
ಗುಜರಿ ಸೇರುವವ ,
ಹೋಗುವ ಮುನ್ನ ಒಂದೇ ಬಯಕೆ ,
ನನ್ನ ಅವನಿಗೆ ಕೊಡುವಾಗ , ಒಮ್ಮೆ ನೆನೆಯಿರಿ
ಕೊಟ್ಟ ಮೇಲೆ ನಾ ಮತ್ತೆ ಬರಲಾರೆನೆಂದು

Boiling Milk

 

 

– ಆದರ್ಶ ಬಿ ವಸಿಷ್ಠ , ಪುಣೆ

.

 

7 Responses

  1. Rajarama Ramachandra says:

    ಅಭಿನಂದನೆಗಳು. ಒಂದು ಹಾಲಿನ ಪಾತ್ರೆಯ ಅಳಲನ್ನು ಎಷ್ಟು ಸರಳವಾಗಿ ತಮ್ಮ ಕವನದಲ್ಲಿ ವಿವರಿಸಿದ್ದೀರಿ!

  2. vinay Kumar says:

    ಹಾಲಿನ ಪಾತ್ರೆ ಯಾವಾಗಲೂ ವಿಶಿಷ್ಟ 🙂

  3. Hema says:

    ಕವನ ಬಹಳ ಚೆನ್ನಾಗಿದೆ.

  4. Shruthi Sharma says:

    ವಾಹ್! ಹಾಲಿನ ಪಾತ್ರೆಯ ಮೇಲೆ ಎಂಥ ಚಂದದ ಕವನ! 🙂

  5. Sneha says:

    ತುಂಬಾ ಚೆನ್ನಾಗಿದೆ ..ವೈ ಕಾಂತ್ ವೀ ಕಾಮೆಂಟ್ ಇನ್ ಇಂಗ್ಲಿಷ್

  6. nishkala gorur says:

    ನೀವು ಬರೆದಿರುವ ಎಲ್ಲಾ ಕವಿತೆಗಳನ್ನು ನಾನು ಒದಿದ್ದೇನೆ….. ಅದರಲ್ಲಿ ನನಗೆ ತುಂಬ ಎಷ್ಟವಾದ ಕವಿತೆ ಇದು…..

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: