ಹನಿ…ಹನಿ….ಕವನ

Share Button

1.  ಅಂದು – ಇಂದು                                                                   

ಅಂದು ನಾನು ಹೂ
ನನ್ನವರು ದುಂಬಿ
ಇಂದು ನಾನು ಬಾಡಿದ ಹೂ. . .
ನನ್ನವರು ಪರಾವಲಂಬಿ.

2.  ಕಾಲ

ನಿನ್ನ ನೆನಪುಗಳ ತತ್ತಿಗಳ
ಎನ್ನೆದೆಯ ಗೂಡಲ್ಲಿ ಬಚ್ಚಿಟ್ಟುಕೊಂಡು
ಜೀವಂತವಾಗಿರಿಸಿದ್ದೆ
ಕೊಟ್ಟು ಪ್ರೀತಿಯ ಕಾವು . . .
ಆದರೇನು ಮಾಡಲಿ . . .
ನುಂಗುತ್ತಿದೆ ಒಂದೊಂದೇ ತತ್ತಿಗಳ
ಕಾಲವೆಂಬ ಹೆಬ್ಬಾವು

drops

3.  ದಾಹ

ಕೊನೆಗೂ ಅರಿಯಲೆ ಇಲ್ಲ
ನೀ ನನ್ನ ದಾಹ. .
ನಿನ್ನ ಪ್ರೀತಿಯ
ಗುಟುಕೊಂದೇ ಸಾಕಿತ್ತು
ಬದುಕಿರಲು ಈ ದೇಹ. . .

4. ಗು(ಕು)ಳಿ

ನನ್ನಾಕೆ ಮುಗುಳು ನಕ್ಕರೆ
ತುಂಬಾ ಲಕ್ಷಣ
ಕಾರಣ . . .
ಕೆನ್ನೆಯ ಮೇಲಿನ ಗುಳಿ . . .
ಆದರೆ . . .
ತುಟಿಯರಳಿಸಿ ನಕ್ಕರೆ
ದಂಗಾಗುವುದು ಒಂದು ಕ್ಷಣ
ಕಾರಣ . . .
ಬಾಯಿ ತುಂಬಾ ದಂತ ಕುಳಿ.

5.ಮಾತು

ಖಡ್ಗಕ್ಕಿಂತ ಹರಿತವಾಯಿತಲ್ಲ
ನಿನ್ನ ಮಾತು. . .
ಗಾಯಗೊಳಿಸದೆ ತನುವ
ಘಾಸಿಗೊಳಿಸಿತಲ್ಲ ಮನವನ್ನಿರಿದು.

6.ರಕ್ತ-ಕಣ್ಣೀರು

ಕಣ್ಣೀರು . . .
ನಿನ್ನ ಚುಚ್ಚು ಮಾತಿನಿಂದ
ಗಾಯಗೊಂಡ ಮನಸ್ಸಿನಿಂದ
ತೊಟ್ಟಿಕ್ಕುವ
ನೆತ್ತರು. . . .

7.ಕಠಿಣ

ಒಪ್ಪಿಕೊಳ್ಳುತ್ತೇನೆ
ನನ್ನ ಮನಸ್ಸು ಕಠಿಣ
ಗಟ್ಟಿ ಮಂಜುಗಡ್ಡೆ
ನಿನ್ನ ಬಿಸಿಯಪ್ಪುಗೆಯೊಂದೇ ಸಾಕು
ಅದು ಕರಗಲು
ನೀರಾಗಿ ಹರಿಯಲು

-ಜಿ.ಎನ್.ಡಿ.ರಾವ್

03/02/2014

1 Response

  1. Avatar Krishnaveni Kidoor says:

    ಒಳ್ಳೆಯ ಕವಿತೆಗಳು.ಇನ್ನೂ bareyiri

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: