ನ್ಯಾನೋ..ಕೆಂಪು ಕೊಡೆಯ ಹುಡುಗಿ..ಸಾಕ್ಷಿ ಎಲ್ಲಿದೆ?

Spread the love
Share Button

 

 

1. ಕೆಂಪು ಕೊಡೆಯ ಹುಡುಗಿ

ದಿನವೂ ಸಿಗ್ನಲ್ ಬಳಿ ಬಂದಾಗ, ಕೆಂಪು ಕೊಡೆ ಹಿಡಿದ ಪುಟಾಣಿ ಹುಡುಗಿ ಕಾಣಿಸುತ್ತಿದ್ದಳು.

ಪುಟ್ಟಪುಟ್ಟ ಹೆಜ್ಜೆಯಿಟ್ಟು ಓಡೋಡಿ ರಸ್ತೆ ದಾಟುತ್ತಿದ್ದಳು. ಅವಳ ಪುಟ್ಟ ಕಿವಿಗೆ ದೊಡ್ಡ ಹಿಯರಿಂಗ್ ಮೆಶಿನ್.

ಅದೊಂದು ಕರಾಳ ದಿನ…! 

ಯಾರೋ ಪುಂಡ ನಿಯಮ ಮುರಿದ; ಜೋರಾಗಿ ಹಾರನ್ ಹೊಡೆದು, ಬೈಕ್ ಓಡಿಸಿದ.

ಕೆಂಪು ಕೊಡೆಯ ಹುಡುಗಿ ದಾಟುತ್ತಿದ್ದಳು….!

ಏನಾಯಿತೆಂದು ಅರಿವಾಗುವಷ್ಟರಲ್ಲಿ ಹೆಣವಾಗಿದ್ದಳು. ಕೊಡೆ ಇನ್ನೂ ಕೆಂಪಗಾಗಿತ್ತು….!

ಅವಳ ಶಾಲೆಯ ಚೀಲದಿಂದ ಹಿಯರಿಂಗ್ ಮೆಶಿನ್ ರಸ್ತೆಗೆ ಬಿದ್ದಿತ್ತು…..!

*********************************************************************

           

2. ಸಾಕ್ಷಿ ಎಲ್ಲಿದೆ…?

ಶೌರ್ಯನ ಕೊಲೆಯಾಗಿತ್ತು. ಕ್ರೌರ್ಯ ಕಟಕಟೆಯಲ್ಲಿ ನಿಂತಿದ್ದ.

ಕೊಲೆ ಕಣ್ಣಾರೆ ನೋಡಿದವಳು ಶಾಂತಿ; ನ್ಯಾಯಾಲಯದಲ್ಲೂ ಮಾತಾಡಲಿಲ್ಲ…!

ಕ್ರೌರ್ಯ ಬಿಡುಗಡೆಯಾದ. ಮತ್ತೆ ಅಟ್ಟಹಾಸ ಮುಂದುವರೆಸಿದ….!

ನ್ಯಾಯದೇವತೆಯೂ ಸುಮ್ಮನಿದ್ದಳು….!

 

 

– ಅಶೋಕ್ ಕೆ.ಜಿ.ಮಿಜಾರು

4 Responses

  1. Sangeetha Muralidhar says:

    ಪುಟ್ಟ ಕತೆಗಳು ಚೆನಾಗಿವೆ. ‘ಸಾಕ್ಷಿ ಎಲ್ಲಿದೆ…?’ ವಾಸ್ತವಕ್ಕೆ ಹತ್ತಿರ ಎನಿಸ್ತು.

  2. Dinesh Naik says:

    ಸೂಪರ್ !

  3. jayashree says:

    ನೈಸ್ ಅಶೋಕ್. ಪರಿಣಾಮಕಾರಿ ಕಥೆಗಳು.

  4. bhimanagouda patil says:

    Surahonne bahala channagide thanks

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: