ಹಾಗೆ ಸುಮ್ಮಗೆ

Share Button

 

 

ಅವನ ಒಂದು ಕಣ್ಣ ಬೆಳಕು
ಅವಳ ಕಣ್ಣ ಕನ್ನಡಿಯೊಳಗೆ ಬಿದ್ದು
ನೂರು ಭಾವ ಹೊಮ್ಮಿ ಫಲಿಸಿ
ಅವನ-ಅವಳ ನಡುವಲಿ
ಉದಿಸಿತೊಂದು ಪ್ರೇಮ ರಾಗ.

ಬಾನಿನೊಲವು ಕೆಳಗೆ ಸುರಿದು
ಇಳೆಯ ತುಂಬ ಜೀವ ಚೆಲುವು
ಭುವಿಯ -ಬಾನ ನಡುವಲಿ ಹಾಗೇ
ಸುಮ್ಮಗೊಂದು ಜೀವ ರಾಗ.

ಕ್ಷಣದ ಭಾವ ಪದಗಳಾಗಿ
ಮಾತು ಮರೆತು ಮೌನ ಮೆರೆದು
ನನ್ನ -ಪದದ ನಡುವಲಿ
ಮಿಡಿವುದೊಂದು ಕಾವ್ಯ ರಾಗ.

ಹೇಗೋ ಏನೋ ಎಲ್ಲೋ ಎತ್ತ
ಬೆಸೆದುಕೊಂಡ ಭಾವ ಬಂಧ
ಅದಕೂ-ಇದಕೂ ಇದಕೂ-ಅದಕೂ
ಲೇಪಿಸುತ್ತಿದೆ ಕಾವ್ಯ ಗಂಧ.

.

– ಸ್ಮಿತಾ ಅಮೃತರಾಜ್,ಕೊಡಗು

 

3 Responses

  1. Niharika says:

    ಉತ್ತಮ ಕವನ.

  2. Uday Kumar says:

    Sundara..kaavya!

  3. Ashok Mijar says:

    ಕವನ ಚೆನ್ನಾಗಿದೆ. ನೀವು ಕೊಟ್ಟ ಅರ್ಥಗಳು ಸುಂದವಾಗಿವೆ.

Leave a Reply to Uday Kumar Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: