ಕಾಣದ ಕೈಗಳಿಗೆ ಕಣ್ಮುಚ್ಚಿ ಕೈಮುಗಿಯುವೆವು

Share Button

ಕಾಣದ ಕೈಗಳಿಗೆ ಕಣ್ಮುಚ್ಚಿ ಕೈಮುಗಿಯುವೆವು/
ಹರಸುವನೆಂಬ ನಂಬಿಕೆಯಲ್ಲಿ ಆರಾಧಿಸುವೆವು/
ಕಾಣದ ಕೈಗಳಿಗೆ ಕಣ್ಮುಚ್ಚಿ ಕೈಮುಗಿಯುವೆವು/
ಕರುಣಿಸುವನೆಂಬ ಬರವಸೆಯಲಿ ಪೂಜಿಸುವೆವು/

ಕಾಣದ ರೂಪವ ಕಲ್ಪಿಸಿ ಕೆತ್ತುವೆವು ಶಿಲಾಮೂರ್ತಿಗಳ/
ಸ್ಥಾಪಿಸುವೆವು ದೇಗುಲ ದೇವಾಲಯಗಳಲ್ಲಿ ವಿಗ್ರಹಗಳ/
ಅಭಿಷೇಕ ಮಾಡಿ ಅರ್ಪಿಸುವೆವು ಹೂಹಣ್ಣು ಹಂಪಲುಗಳ/
ಪ್ರಶಂಶಿಸುವೆವು ಮಹಿಮೆಗಳ ಸ್ತುತಿಸಿ ಮಂತ್ರಘೋಷಗಳ/

ಯಾವ ಕಾರಣಕೆ ಕಾಣದ ಕೈಗಳ ಪೂಜಿಸಿ ಭಜಿಸಿ ಅನುದಿನವು/
ವಾಸ್ತವಿಕತೆಯಲ್ಲಿ ಬೆಂಬಲವಾಗಿರುವ ಕೈಗಳ ಅಲಕ್ಷಿಸುವೆವು/
ಯಾವ ಉದ್ದೇಶಕೆ ಕಾಣದ ಕೈಗಳ ಗೌರವಿಸಿ ನಿತ್ಯನೂತನವು/
ಯಥಾರ್ಥದಲ್ಲಿ ಒತ್ತಾಸೆಯಾಗಿರುವ ಕೈಗಳ ನಿರ್ಲಕ್ಷಿಸವೆವು/

ಕೋರಿಕೆಗಳು ಸಫಲವಾಗಲಿ ವಿಫಲವಾಗಲಿ ಪ್ರಾರ್ಥಿಸುವೆವು/
ಧರ್ಮಕರ್ಮಗಳ ಕ್ಷಮೆಯಲ್ಲಿ ಆರತಿಗಳಲ್ಲಿ ಉಪಾಸಿಸುವೆವು/
ದೈವಶಕ್ತಿಯ ಮೆಚ್ಚಿಸಲು ಗುಡಿ ಗೋಪುರಗಳ ಶೃಂಗರಿಸುವೆವು/
ಧೃಢನಿಷ್ಠೆಯಲ್ಲಿ ಜಪಿಸುತ ಮಂಗಳಾರತಿಯಲ್ಲಿ ಬೆಳಗುವೆವು/

ಜೀವಂತವಾಗಿರುವ ಕರುಣಾಮಯಿಗಳ ನಮಿಸಿ ಕೃತಜ್ಞತೆಯಲ್ಲಿ
ಪರಿಶುದ್ಧ ಮನೋವೃತ್ತಿಯಲಿ ಪರಿಗಣಿಸಿ ಸಮರ್ಥಿಸಿ ಮೆಚ್ಚುಗೆಯಲ್ಲಿ
ಆತ್ಮೀಯರಾಗಿರುವ ಬಂಧುಬಳಗ ಮಿತ್ರರ ವಂದಿಸಿ ಧನ್ಯತೆಯಲ್ಲಿ/
ನಿಷ್ಕಪಟ ಮನೋಭಾವದಲ್ಲಿ ಸನ್ಮಾನಿಸಿ ಅಭಿನಂದಿಸಿ ನೆಚ್ಚುಗೆಯಲ್ಲಿ/

-ಮಿತ್ತೂರು ರಾಮಪ್ರಸಾದ್

5 Responses

  1. ಹೌದು ಅಗೋಚರ ಶಕ್ತಿ ಯೇ ನಮ್ಮ ನ್ನೆಲ್ಲಾ ನೆಡೆಸುವ ಸೂತ್ರಧಾರ..ಅವರವರಿಗೆ ಸರಿಕಂಡಂತೆ ಆರಾಧನಾ ಮನೋಭಾವ.. ಎಂಬ ಸಂದೇಶ ಸಾರುವ ಕವನ ಚೆನ್ನಾಗಿ ದೆ ಸಾರ್

  2. ಸಿ.ಎನ್.ಭಾಗ್ಯಲಕ್ಷ್ಮಿ ನಾರಾಯಣ says:

    ಚಂದವಿದೆ

  3. ಶಂಕರಿ ಶರ್ಮ says:

    ಸೊಗಸಾದ ಕವನ

  4. ನಯನ ಬಜಕೂಡ್ಲು says:

    ಭಕ್ತಿಯೂ ನಂಬಿಕೆಯ ಬುನಾದಿ ಮೇಲೆ ನಿಂತಿದೆ, ಹಾಗಾಗಿ ಒಳ್ಳೆಯದಾಗುವುದೆಂದು ನಂಬಿ ಕೈ ಮುಗಿಯುವೆವು

  5. ಕಲ್ಲು ನಾಗರ ಕಂಡರೆ ಹಾಲನೆರೆಯುವರಯ್ಯ
    ದಿಟ ನಾಗರ ಬಂದರೆ ಹೊಡೆದು ಹಾಕುವರಯ್ಯ
    ಅರ್ಥಗರ್ಭಿತವಾದ ಕವನ

Leave a Reply to ಸಿ.ಎನ್.ಭಾಗ್ಯಲಕ್ಷ್ಮಿ ನಾರಾಯಣ Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: