ಬೆಳಕಿನ ಹಬ್ಬ

Share Button

ಕುಳಿರ್ಗಾಳಿ ಕೈಗೂಡಿ
ಕಿರುವರ್ಷ ಜೊತೆಗೂಡಿ
ಮಿಂಚಿನಾರತಿ ಎತ್ತಿತಾ ಮೇಘಾವಳಿ
ಗಂಗೆಗಾರತಿ ಬೆಳಗಿ
ತೈಲಾಭ್ಯಂಜನದ ಜೊತೆಗೆ
ಸಿಹಿಭಕ್ಷವನು ತಿನುವ ದೀಪಾವಳಿ

ಹೊಸ ಬಟ್ಟೆಗಳ ತೊಟ್ಟು
ಹರುಷದಲಿ ಸಿಂಗರಿಸಿ
ಲಕ್ಷ್ಮಿಪೂಜೆಯ ಗೈವ ದೃಶ್ಯಾವಳಿ
ಬೆಳಗುತಿಹ ಪ್ರಣತಿಗಳ
ಹೊನ್ನ ಬೆಳಕಿನ ನಡುವೆ
ಹರುಷದಾ ಸಿರಿ ಸುರಿವ ರತ್ನಾವಳಿ

ಬಲಿಯೇಂದ್ರನೈತಂದು
ಪೂಜೆಗೊಳ್ಳುವ ಪರಿಯು
ಅತಿಚಂದದಾರತಿಯ ಪ್ರಭಾವಳಿ
ಗೋಮಾತೆ ತುಳಸಿಯರ
ಆರಾಧಿಸುವ ಭಕ್ತಿ
ನೀಡುತಲಿ ಜಗಬೆಳಗೊ ಚಂದ್ರಾವಳಿ

ಪ್ರೀತಿ ಸೌಹಾರ್ದಗಳ
ತೈಲವನು ತುಂಬಿಸುತ
ಮನಸು ಬೆಳಗಿಸೊ ಈ ಜ್ಯೋತ್ಸ್ನಾವಳಿ
ದ್ವೇಷ ಅಸೂಯೆ ತಮವ
ತೊಲಗಿಸಿ ಬೆಳಗಿಸುತ ಸುಖ
ಶಾಂತಿ ತುಂಬುವ ಬೆಳಕಿನ ದೀಪಾವಳಿ

ಶಂಕರಿ ಶರ್ಮ, ಪುತ್ತೂರು

7 Responses

  1. Padma Anand says:

    ಹಬ್ಬದಾಚರಣೆಯ ಪ್ರಾಮುಖ್ಯತೆಯನ್ನು ಸುಂದರ ಪದಪುಂಜಗಳಲ್ಲಿ ಹಿಡಿದಿಟ್ಟಿರುವ ಪರಿ ಸೊಗಸಾಗಿದೆ. ಅಭಿನಂದನೆಗಳು.

  2. ಡಾ. ಕೃಷ್ಣಪ್ರಭ ಎಂ says:

    ಚಂದದ ಕವನ

  3. ಸೊಗಸಾದ…ಕವನ…ಅಭಿನಂದನೆಗಳು.. ಶಂಕರಿ… ಮೇಡಂ.

  4. Padmini Hegade says:

    ಪ್ರಾಸಗಳೊಂದಿಗಿನ ಜ್ಯೋತ್ಸ್ನಾವಳಿ ಚೆನ್ನಾಗಿದೆ

Leave a Reply to ಡಾ. ಕೃಷ್ಣಪ್ರಭ ಎಂ Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: