ನನ್ನವಳು ದೀಪಾವಳಿ ಪಟಾಕಿ

Share Button


ಪಟಾಕಿ ಹಾರಿಸಲು ದೀಪಾವಳಿಯನ್ನೇ ಕಾಯಬೇಕಿಲ್ಲ
ನನ್ನಾಕೆ ಯಾವ ವಿಧದ ಪಟಾಕಿಗೂ ಕಡಿಮೆಯಿಲ್ಲ.

ಯಾವಾಗಲೂ ಸಿಡಿಸಿಡಿಯೆನ್ನುತ್ತಿರುತ್ತಾಳೆ ಚಿನಕುರುಳಿಯಂತೆ
ಅಕ್ಕಪಕ್ಕದವರೊಡನೆ ಜಗಳದಲ್ಲಿ ಸಿಡಿಯುತ್ತಾಳೆ ಆಟಂಬಾಂಬಿನಂತೆ

ಅತ್ತೆ ಮಾವನೊಡನೆ ಬುಸುಗುಟ್ಟುತ್ತಿರುತ್ತಾಳೆ ಸರ್ಪಾಸ್ತ್ರದಂತೆ
ನಮ್ಮಕಡೆ ನೆಂಟರುಗಳು ಬಂದಾಗ ವಟಗುಟ್ಟುತ್ತಾಳೆ ಪಟಾಕಿಸರದಂತೆ

ಅವಳ ಕಡೆ ನೆಂಟರು ಬಂದಾಗ ಅರಳುತ್ತಾಳೆ ಪ್ರೀತಿಯ ಹೂಬಾಣದಂತೆ
ಗೆಳತಿಯರು ಇವಳನ್ನು ಹೊಗಳುತ್ತಿರುವಾಗ ಏರುತ್ತಾಳೆ ರಾಕೆಟ್ಟಿನಂತೆ

ಕೆಲಸದವಳೊಡನೆ ವ್ಯವಹರಿಸುವಾಗ ಉರಿಯುತ್ತಾಳೆ ಮತಾಪಿನಂತೆ
ತಾನಂದುಕೊಂಡದ್ದು ನಡೆಯದಿದ್ದಾಗ ಮುನಿಸಿಕೊಳ್ಳುತ್ತಾಳೆ ಪೆನ್ಸಿಲ್‌ನಂತೆ

ಗೆಳತಿಯರ ಕೂಡಿ ಊರೆಲ್ಲ ತಿರುಗಿ ಬರುತ್ತಾಳೆ ಭೂಚಕ್ರದಂತೆ.
ಇವಳ ಕೈಗೆ ಸಿಕ್ಕಿ ನಾನು ಇದ್ದಲ್ಲೇ ತಿರುಗುತ್ತಿದ್ದೇನೆ ವಿಷ್ಣುಚಕ್ರದಂತೆ.

-ಬಿ.ಆರ್.ನಾಗರತ್ನ. ಮೈಸೂರು.

7 Responses

  1. Vijayasubrahmanya says:

    ಚೆನ್ನಾಗಿ ದೆ ಮೇಡಂ. ಹಾಸ್ಯ ಬರಹ.

  2. Padma Anand says:

    ಚಂದದ ಹೋಲಿಕೆ. ಓದಿ ತುಟಿಯಂಚಿನಿಂದ ತೂರಿಬಂತು ಸುಂದರ ನಗೆಯ ಹೂಬಾಣ. ಅಭಿನಂದನೆಗಳು.

  3. ಧನ್ಯವಾದಗಳು.. ವಿಜಯಾ…ಮೇಡಂ..
    ಹಾಗೂ..ಪದ್ಮಾ.ಮೇಡಂ

  4. Krishnaprabha says:

    ಚಂದದ ಕವನ

  5. ಶಂಕರಿ ಶರ್ಮ says:

    ತಿಳಿಹಾಸ್ಯ ಮಿಶ್ರಿತ ಕವನ ಸೂಪರ್ ಮೇಡಂ.

  6. ಮಹೇಶ್ವರಿ ಯು says:

    ಸೊಗಸಾಗಿ ದೆ

  7. ಧನ್ಯವಾದಗಳು… ಶಂಕರಿ ಮೇಡಂ.. ಕೃಷ್ಣ ಪ್ರಭಾ..ಮೇಡಂ.. ಮಹೇಶ್ವರಿ..ಮೇಡಂ

Leave a Reply to Krishnaprabha Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: