ಸಾವೆಂಬ ಸಂಗಾತಿ

Spread the love
Share Button

ಮೊನ್ನೆ ಕಂಡವರು ಇಲ್ಲೆ ಕುಳಿತವರು
ತಾಂಬೂಲ ಮೆಲ್ಲುತ್ತ ಮಾತ ಮೊದಲಿಟ್ಟವರು
ಕುಳಿತ ಬಾಜಿರ ಸುತ್ತ ಸುಳಿದಾಡುತಿದೆ ಗಾಳಿ
ನುಡಿದ ಸೊಲ್ಲಿನ ಉಲುಹು ಕಿವಿಯ ಬಂದಪ್ಪುತಿದೆ
ತಲೆಯ ಒಲೆತದ ಭಂಗಿ ಕಣ್ತುಂಬಿ ನಿಂತಿದೆ
ಪರಿಚಿತದ ಮೈಗಂಧ ನಾಸಿಕವ ಬಿಟ್ಟಿರದು
ಸ್ನೇಹ ಸ್ಪರ್ಶದ ಬಿಸುಪು ಆರದಿಹುದು
ಮೈಕುಲುಕು ನಗೆಯ ಅಲೆ ವರ್ತುಲದಿ ಸುತ್ತಿಹುದು

ಸಾವೆಂಬ ಸಂಗಾತಿ ಕರೆದ ಮಾತ್ರಕೆ ಹೀಗೆ ತೆರಳುವುದೆ?
ಹಿಂದಿರುಗಿ ನೋಡದೆಯೆ ಹೀಗೆ ತೆರಳುವುದೆ?

ಜೀವನದ ಸಂಗಾತಿ ಏರುಗಂಟಲ ಶೋಕದುಮ್ಮಳದಿ ತತ್ತರ
ಎಲ್ಲಿ ಹೋದೆಯೋ ಸಖನೆ ಒಡಲಕುದಿಯನು ತಣಿಸೆ ಬಾಹತ್ತರ
ಅದೆ ಸೂರ್‍ಯ ಅದೆ ಭೂಮಿ, ಅದೆ ಗಾಳಿ ಅದೆ ಆಕಾಶ
ಸುತ್ತಮುತ್ತಲು ಸುಳಿವ ಮಂದಿ ನೂರು
ವಿಲವಿಲದ ಒಡಲ ಉರಿ ಆರಿಸುವರ್ಯಾರು?
ಕೈನೀಡಿ ಕರೆದೆತ್ತಿ ಬಾಳ ನಾವೆಯನೇರಿ
ಶೂನ್ಯಸಾಗರ ಮಧ್ಯೆ ಮರೆಯಾದೆಯಲ್ಲೊ
ಕನಸಿಲ್ಲ ಮನಸಿಲ್ಲ ಭೋರ್ಗರೆವ ಶೂನ್ಯ
ಬರುವಾಗಲೂ ಒಂಟಿ ತೆರಳುವಾಗಲು ಒಂಟಿ
ಜನಸಮುದ್ರದ ಮಧ್ಯೆ ತೀರ ಒಂಟಿ

ಯಾರಿಗೆ ಯಾರುಂಟು ಎರವಿನ ಸಂಸಾರ
ನೀರಮೇಲಣ ಗುಳ್ಳೆ ನಿಜವಲ್ಲ ಹರಿಯೇ!

ಡಾ.ಮಹೇಶ್ವರಿ.ಯು

8 Responses

  1. ಅಧ್ಯಾತ್ಮಿಕ ..ನೆಲಗಟ್ಟಿನ..ಮೇಲೆ ಸುತ್ತುವರದ..ಕವನ..ಬರುವಾಗ ಲೂ ಒಂಟಿ…ಹೋಗುವಾಗಲೂ..ಒಂಟಿ… ಗೊತ್ತಿದ್ದೂ ಬಡಿದಾಡುತ್ತೇವೆ…ನಿರಾಯಾಸ ಮರಣ….ಸಿಕ್ಕವರೇ …ಪುಣ್ಯವಂತರು..ಚಂತನೆಗೆ ಹಚ್ಚಿದ..ಕವನ ಧನ್ಯವಾದಗಳು ಮೇಡಂ

  2. ನಯನ ಬಜಕೂಡ್ಲು says:

    ಚೆನ್ನಾಗಿದೆ ಕವನ

  3. B C Narayana murthy says:

    ಈ ಸಾವೇ ಹೀಗೆ *ಸುಳಿವು ನೀಡದೆ ಸುಳಿದು ಬಿಡುತ್ತದೆ.ಚೆನ್ನಾದ ಕವನ

  4. ಮಹೇಶ್ವರಿ ಯು says:

    ಧನ್ಯವಾದಗಳು ಎಲ್ಲರಿಗೂ

  5. ಶಂಕರಿ ಶರ್ಮ says:

    ಕವನ ಚೆನ್ನಾಗಿದೆ.

  6. Padmini Hegade says:

    ಚೆನ್ನಾಗಿದೆ.

  7. Dr BVBHAT says:

    Super kavithe by U Maheshwari.

  8. Padma Anand says:

    ಮನಕಲಕುವ ಪದಪುಂಜಗಳನ್ನೊಳಗೊಂಡ ಭಾವನಾತ್ಮಕ ಕವಿತೆ.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: