ಗೊತ್ತಿಲ್ಲದವಳು

Share Button

ತಾನು ಉಂಡೆನೋ ತಿಂದೆನೋ ಗೊತ್ತಿಲ್ಲದವಳು
ಮನೆ ಮಂದಿಗೆಲ್ಲ ಹೊಟ್ಟೆಯ ತುಂಬಾ ತುತ್ತನಿಟ್ಟಳು

ತಾನು ಮಲಗಿದೆನೋ ಎದ್ದೇನೋ ಗೊತ್ತಿಲ್ಲದವಳು
ಊರ ಕೋಳಿ ಕೂಗಿಗು ಮೊದಲೇ ಏಳುತ್ತಿದ್ದಳು

ತಾನು ದಣಿದೆನೋ ತಣಿದೆನೋ ಗೊತ್ತಿಲ್ಲದವಳು
ಮಳೆಯೆನ್ನದೇ ಬಿಸಿಲೆನ್ನದೇ ಹೊಲದ ತುಂಬಾ ದುಡಿದಳು

ಬೆನ್ನಿಗೆ ಚುಚ್ಚು ಮಾತಿನ ಚೂರಿಗಳಿದ್ದರು ಗೊತ್ತಿಲ್ಲದವಳು
ಎಲ್ಲರನೂ ತನ್ನವರೆಂದು ಭಾವಿಸಿ ನಂಬಿದಳು

ತಾನು ನಕ್ಕಳೋ ಅತ್ತಳೋ ಗೊತ್ತಿಲ್ಲದವಳು
ಪೌಡರಿನ ಬದಲು ಮುಖಕೆ ಮಂದಹಾಸ ಹಚ್ಚಿಕೊಂಡವಳು

ಹಳೆಯ ಪೆಟ್ಟಿಗೆಯ ತುಂಬಾ ಧರಿಸದ ಹೊಸ ಸೀರೆಗಳು
ಈಡೇರದ ಕನಸುಗಳ ಉಟ್ಟುಕೊಂಡೆ ಕಣ್ಣುಮುಚ್ಚಿದಳು

– ನವೀನ್ ಮಧುಗಿರಿ

9 Responses

  1. ನಿಸ್ವಾರ್ಥ… ಹೆಣ್ಣು ಮಗಳೊಬ್ಬಳ…ಯಶೋಗಾಥೆ…ಚೆನ್ನಾಗಿದೆ.. ಧನ್ಯವಾದಗಳು ಸಾರ್

  2. ನಯನ ಬಜಕೂಡ್ಲು says:

    Beautiful

  3. Samatha.R says:

    ಎಲ್ಲಾ ಅಮ್ಮಂದಿರ ಪಾಡು…ಚಂದದ ಕವಿತೆ

  4. ಆಶಾ ನೂಜಿ says:

    ಸೂಪರ್ ಕವನ

  5. Anonymous says:

    ಹೃದಯ ಸ್ಪರ್ಶಿ ಕವಿತೆ

  6. ಶಂಕರಿ ಶರ್ಮ says:

    ಮಹಿಳೆಯೊಬ್ಬಳ ಜೀವನಗಾಥೆ…ಚೆನ್ನಾಗಿದೆ ಕವನ.

  7. Padmini Hegade says:

    ಆರ್ದ್ರ ಅಭಿವ್ಯಕ್ತಿ!

  8. Padma Anand says:

    ಹೆಣ್ಣಿನ ಮನದಾಳವನ್ನು ಗುರುತಿಸಿದ ಚಂದದ ಕವಿತೆ.

  9. ನವೀನ್ ಮಧುಗಿರಿ says:

    ನನ್ನಮ್ಮನ ಬದುಕಿನ ವಾಸ್ತವದ ಕತೆಯೇ ಈ ಕವಿತೆ. ಪ್ರತಿಯೊಬ್ಬರಿಗೂ ಹೃದಯಪೂರ್ವಕ ಧನ್ಯವಾದಗಳು..

    – ನವೀನ್ ಮಧುಗಿರಿ

Leave a Reply to ಆಶಾ ನೂಜಿ Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: