ನೆನಪುಗಳ ಮರೆಯುವುದಾದರೂ ಹೇಗೆ!

Spread the love
Share Button

ನನ್ನಲ್ಲೇ ತುಂಬಿಕೊಂಡಿದ್ದ
ನೆನಪುಗಳನ್ನೆಲ್ಲಾ ಗುಡಿಸಿ
ಕಸದಬುಟ್ಟಿಯಲ್ಲಿ ಸುರಿದು
ಖುಷಿಯಿಂದ ಬೀಗುತಾ ಒಳಬಂದು
ನಿರಮ್ಮಳವಾಗಿ ಉಸಿರುತ್ತಾ ಕಣ್ಮುಚ್ಚಿ ಕುಳಿತೆ!
 
ಕಿಟಕಿಯಿಂದ ನುಸುಳಿ
ಬಂದ ಗಾಳಿಯು ನನ್ನ
ಕಿವಿಯಲ್ಲಿ ಅದೇನೋ
ನಿನ್ನ ಕುರಿತಾಗಿಯೇ ಉಸುರಿತ್ತು
ಮೌನವಾಗಿದ್ದ ಮನಸ್ಸನ್ನು ಕೆದಕಿ ಬೆದಕಿ
ನನ್ನನ್ನೇ ನೋಡಿ ನಕ್ಕು ಸಾಗಿತ್ತು.
 
ಮನದ ಅಂಗಳದಿಂದ
ಸರಿಸಿ ಎಸೆದಿದ್ದು ಮತ್ತೆ
ನನ್ನನ್ನೇ ಆವರಿಸಿಕೊಂಡಿತ್ತು
ಅರೆ! ಇದೆಂತಹ ಅಚ್ಚರಿಯಂದು
ಮನದೊಳಗೆಲ್ಲಾ ದಿಗಿಲು
ಸುಳಿವು ನೀಡದೆ ಸುನಾಮಿಯಂತೆ
ಭುಗಿಲೆದ್ದು ಕುಣಿದಿತ್ತು.
 
ಗಾಳಿ, ಮಳೆ ಬೀಸಿದಂತೆ
ನನ್ನಲ್ಲೂ ನಿನ್ನ ನೆನಪಿನ ಗಾಳಿಯದೇ ಸದ್ದು
ಸುಮ್ಮನೆ ಬಂದು ಹೋಗುವುದಿಲ್ಲ
ಮಿಂಚಿ ಮರೆಯಾಗುವುದಿಲ್ಲ
ಸರಿಸಿದರೂ ಗುಡಿಸಿದರೂ
ಮರೆಯಾಗದೆ ಸದಾ ನನ್ನಲ್ಲೇ ಮೆರೆಯುತ್ತಿರುವ
ನೆನಪುಗಳ ಮರೆಯುವುದಾದರೂ ಹೇಗೆ!?
 
-ಸೌಮ್ಯಶ್ರೀ ಎ.ಎಸ್,ಮೈಸೂರು

9 Responses

  1. Samatha.R says:

    ತುಂಬಾ ಚಂದದ ಸುಂದರ ಕವನ…

  2. Anonymous says:

    Very nice

  3. ನಾಗರತ್ನ ಬಿ. ಅರ್. says:

    ಸರಳ ಸುಂದರ ಕವನ ಚೆನ್ನಾಗಿದೆ ಮೇಡಂ

  4. ನಯನ ಬಜಕೂಡ್ಲು says:

    ಸೊಗಸಾಗಿದೆ ಕವನ

  5. ಅರ್ಥಪೂರ್ಣವಾದ ಕವನ ವಂದನೆಗಳು

  6. ವಿದ್ಯಾ says:

    ಸುಂದರವಾದ ಭಾವ ಮಿಡಿತದ ಕವನ

  7. . ಶಂಕರಿ ಶರ್ಮ says:

    ಹೌದು…ನೆನಪುಗಳೆಂದರೇ ಹಾಗೆ..ಬೇಡವೆಂದರೂ ಬರುವ, ಬಂದು ಕಾಡುವ, ಕೆಲವೊಮ್ಮೆ ಮುದನೀಡುವ ಅನಪೇಕ್ಷಿತ ಅತಿಥಿ! ಬಹಳ ಸೊಗಸಾದ ಭಾವಪೂರ್ಣ ಕವನ. ಧನ್ಯವಾದಗಳು ಮೇಡಂ.

  8. Padma Anand says:

    ಮರೆಯಬೇಕೇಕೆ? ಬೆಚ್ಚಗೆ ಕುಳಿತಿರಲಿ ಬಿಡಿ ಮನದ ಗೂಡೊನೊಳಗೆ

  9. ಶಿವಮೂರ್ತಿ.ಹೆಚ್. says:

    ಸೊಗಸಾದ ರಚನೆ

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: