ಮಗುವಾಗಿಬಿಡುವೆ..

Share Button

ಕನಸ ಕಟ್ಟುವಾತುರದಲಿ
ಊರುಕೇರಿ ಸುತ್ತಿಬಂದು
ತರತರದ ಚಹರೆ ನೆನಪಾಗಿ
ನಡುರಾತ್ರಿ ಬೆವತು..
ಮುಖವಾಡ ಲೋಕದ
ಖುಲಾಸೆಗಳೇ ಸಾಕೆನಗೆ,
ನಾ ಮಗುವಾಗಿಬಿಡುವೆ!

ನಗುವ ಕಣ್ಣ ಹಿಂದಿರುವ
ಈರ್ಷ್ಯೆ ಹುಡುಕುವ ಖಯಾಲುಗಳ್ಯಾಕೆ?
ಜನರಂತರಾಳವ ಅರಿಯುವ
ತವಕ ನನಗ್ಯಾಕೆ?

ಬಹುರೂಪೀ ಸೋಗನ್ನು ಸೋಯಿಸದೇ
ನನ್ನ ಪಾಡಿಗೆ ನಾ
ಇದ್ದುಬಿಡುವೆ,
ಸಂತೆಯಲಿದ್ದರೂ
ಚಿಂತೆಗಳಿಲ್ಲದ
ಮಗುವಾಗಿಬಿಡುವೆ!

ಹಗೆತನದ ಹೊಗೆಯೊಂದ
ನೋಡಿದರೂ ನೋಡದ ಹಾಗೆ..
ಬದುಕಿನ ಜಾತ್ರೆಯಲಿ
ಭಾರೀ ಬೇಡಿಕೆಯಿರುವ
ಮುಖವಾಡದ ಚಹರೆಯ
ಅರಿವಿರದ ಹಾಗೆ..
ಮಗುಮ್ಮಾಗಿ ಮಲಗಿ
ಮಗುವಾಗಿಬಿಡುವೆ.

ಆಶಾ ಹೆಗಡೆ

18 Responses

  1. ನಾಗರತ್ನ ಬಿ. ಅರ್. says:

    ಮುಗ್ದ ಮಗುವಿನಂತಾಗುವ ಹಪಾಹಪಿ .. ತೋರಿಸುವ ಕವನ ಸರಳ ಸುಂದರ ವಾಗಿದೆ ಮೇಡಂ.

  2. Padma Anand says:

    ಮತ್ತೆ ಮುಗ್ಧ ಮಗುವಾಗಿ ಬಿಡುವುದು ಎಲ್ಲರೂ ಇಚ್ಚಿಸುವ ಕೈಗೂಡದ ಆಸೆ. ಈ ಹಂಬಲವನ್ನು ಕವನ ರೂಪದಲ್ಲಿ ಚೆನ್ನಾಗಿ ಹೆಣೆದಿದ್ದೀರಿ.

  3. ನಯನ ಬಜಕೂಡ್ಲು says:

    ಕವನವೂ ಮಗುವಿನಂತೆಯೇ ಮುದ್ದು ಮುದ್ದಾಗಿದೆ.

  4. ಅರ್ಥಪೂರ್ಣವೆನಿಸಿ ಈ ಕವನ.ಧನ್ಯವಾದಗಳು

  5. Anonymous says:

    ಅರ್ಥಪೂರ್ಣ ಕವನ ಇಷ್ಟವಾಯಿತು

    ಸುಜಾತಾ ರವೀಶ್

  6. ಶಂಕರಿ ಶರ್ಮ says:

    ಜಗತ್ತಿನ ಯಾವುದೇ ಜಂಜಾಟಗಳಿಲ್ಲದೆ, ಮಗುವಾಗಿ ಮಲಗಿಬಿಡುವಾಸೆಯ ಸೊಗಸಾದ ಕವನ.

  7. B c n murthy says:

    ಕಂಡೂ ಕಾಣದಂತೆ ಬದುಕಬೇಕಾದ ಬದುಕಿನ ಬವಣೆಯ ಕವನ ಬಹಳ ಚೆನ್ನಾಗಿದೆ

  8. ವಿದ್ಯಾ says:

    ಅರ್ಥಪೂರ್ಣ ಕವನ ಅತ್ಯುತ್ತಮ ವಾಗಿದೆ

  9. Savithri bhat says:

    ಸುಂದರ ಕವನ

Leave a Reply to ಶಂಕರಿ ಶರ್ಮ Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: