ಭಾವ ಬೇತಾಳ

Share Button

ಗಡಿಬಿಡಿಯಲ್ಲೂ ಒಡಮೂಡುವುದು
ಭಾವಗಳಡಿಗಡಿಗೇ..
ಪಡಿಯಚ್ಚಿನ ತರ ಮನದ ಬಿಕ್ಕುಗಳು
ರೆಕ್ಕೆ ಪಡೆವ ಘಳಿಗೇ…

ಸಣ್ಣಗೆ ಹರಿಯುವ ಜುಳು ಝರಿಯಂತೆ
ಕವಿತೆಯ ಸಂಚಾರ..
ಕಣ್ಣಿಗೆ ಕಾಣದ ಆತ್ಮದ ಒಳಗೆ ಮಾರ್ದನಿಸುವುದಿಂಚರ..

ಶೀತಲ ಗಾಳಿಗೆ ಥರಗುಡುವಂತೆ
ಮನದೊಳಗಿನ ಮಾತು..
ಬೇತಾಳದ ತರ ಬೆನ್ನನುಬಿಡದೆ
ಕಾಡುವ ಪಿಸುಮಾತು..

ಸೋನೆ ಮಳೆಯಂತೆ ತೊಟ್ಟಿಕ್ಕುವುದು
ಎದೆಯೊಳಗಿನ ಗೀತಾ..
ಬೇನೆಯೊಂದು ಸುಖ ಕೊಡುವ ಪರಿಗೆ
ನನ್ನೊಳಗಿನ ನಾನೇ ಚಕಿತ..

-ವಿದ್ಯಾಶ್ರೀ ಅಡೂರ್

6 Responses

  1. ನಯನ ಬಜಕೂಡ್ಲು says:

    ಕಾಡುವ ಭಾವಗಳು ಅನಾವರಣ ಗೊಂಡ ಪರಿ ಸೊಗಸಾಗಿದೆ.

  2. Hema says:

    ಕವನ ಚೆನ್ನಾಗಿದೆ.

  3. ಶಂಕರಿ ಶರ್ಮ says:

    ನಮ್ಮೊಳಗಿನ ದನಿ..ಆತ್ಮದ ಮಾತು ಎಂದರೆ ಇದೇ ಏನೋ..
    ಭಾವಪೂರ್ಣ ಕವನ ಚೆನ್ನಾಗಿದೆ.

  4. ಮಹೇಶ್ವರಿ ಯು says:

    ಲಯಬದ್ಧ ಸುಂದರ ರಚನೆ.

  5. ನಾಗರತ್ನ ಬಿ. ಅರ್. says:

    ಸರಳ ಸುಂದರ ಕವನ

  6. Padma Anand says:

    ಮನದ ತುಮುಲಗಳ ಸುಂದರ ಅನಾವರಣ

Leave a Reply to Padma Anand Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: