ಸಾಕ್ಷಾತ್ಕಾರ

Share Button

ಎಲ್ಲವೂ ಇದ್ದು ಎನೂ ಇಲ್ಲದ ಸಂದರ್ಭದಲಿ
ಸಾಗುತ್ತಿದೆ ನನ್ನ ವಯಸ್ಸು.
ಸಮತೋಲನ ತಪ್ಪಿರಬಹುದೆಂಬ ಶಂಕೆಯಲಿ
ಸಿಲುಕಿದೆ ನನ್ನ ಮನಸ್ಸು.
ಲೌಕಿಕ ವಿಚಾರಧಾರೆಗಳ ರಾಶಿಯಿಂದ ಮೂಡಿಸಿತ್ತು
ನನ್ನಲ್ಲಿ ತಮಸ್ಸು.
ಅದೇಕೋ ಕಾಣೆ, ಈ ದಿನಗಳಲ್ಲಿ
ಮಾತು ಮೌನದತ್ತ ವಾಲಿದೆ, ಮಿದುಳು ಸ್ಪಬ್ಧವಾಗಿದೆ.
ಕೃತಿ ಚುರುಕಾಗಿದೆ, ಹೃದಯ ಸ್ಪಂದಿಸಿದೆ.

ನನ್ನ ಅಂತರ್ಮುಖದ ಅನಾವರಣವಾಗಬೇಕಾಗಿದೆ.
ರಜಸ್ಸು ತೀಕ್ಷ್ಟವಾಗಿ, ಸಾತ್ವಿಕದ ಹಾದಿ ತೆರೆಯುತಿದೆ.
ಸಾರ್ಥಕ ಬದುಕ ಬೇರೊಂದು ತರದಿ
ಹೆಣೆಯೋಣ ಎಂದೆನಿಸಿದೆ.
ದೇಹದ ಸವಕಲು ಭಾದಿಸದಂತೆ ಮನಸು
ಸದೃಢವಾಗಲು ಸನ್ನದ್ಧವಾಗಿದೆ.
ನನ್ನ ಪರಿಚಯ ಹೀಗೇ  ಆಗಬೇಕೇನೋ
ಎಂದೆನಿಸಿದೆ.
ಹಿರಿದಾಗುವುದೇನೋ ನನ್ನ ವರ್ಚಸ್ಸು ಎಂಬ
ಚಿಕ್ಕ ಆಸೆ ಗರಿಗೆದರಿದೆ.

-ಹೆಚ್ ಎಸ್ ವತ್ಸಲಾ, ಮೈಸೂರು

20 Responses

  1. ಶ್ರುತಿ ಶರ್ಮಾ says:

    ಬಹಳ ಚೆನ್ನಾಗಿದೆ!

  2. ನಾಗರತ್ನ ಬಿ.ಆರ್ says:

    ಆಶಾಭಾವನೆ ಮೂಡಿಸಿದ ಕವಿತೆ ಚೆನ್ನಾಗಿದೆ

    • Anonymous says:

      ಧನ್ಯವಾದಗಳು, ನಾಗರತ್ನರವರೆ.

    • ವತ್ಸಲ says:

      ನಿಮ್ಮ ಪ್ರತಿಕ್ರಿಯೆಗೆ ನನ್ನ ಧನ್ಯವಾದಗಳು, ನಾಗರತ್ನರವರೆ.

  3. Anasuya M R says:

    ಮಾಗಿದ ಮನದ ಮಾತುಗಳು.

    • ವತ್ಸಲ says:

      ಮನದಾಳದ ಅಭಿಪ್ರಾಯಕ್ಕೆ ನನ್ನ ವಂದನೆಗಳು, ಅನಸೂಯಾರವರೆ.

  4. Hema says:

    ಅರ್ಥಪೂರ್ಣ ಕವನ.

  5. ನಯನ ಬಜಕೂಡ್ಲು says:

    ಅನಿಶ್ಚಿತತೆಯಿಂದ ಪಕ್ವತೆಯತ್ತ ಭಾವಗಳ ಪಯಣ. ಚೆನ್ನಾಗಿದೆ ಕವನ

    • ವತ್ಸಲ says:

      ನಯನ, ನಿಮ್ಮ ನಿಶ್ಚಿತ ಅಭಿಪ್ರಾಯಕ್ಕೆ ನನ್ನ ನಮನ.

  6. B.k.meenakshi says:

    ಗುರಿ ಹುಡುಕಿಕೊಂಡ ಕವಯತ್ರಿ. ಚೆನ್ನಾಗಿದೆ ಕವನ.

    • ವತ್ಸಲ says:

      ಮೀನಾಕ್ಷಿಯವರೆ, ನಿಮ್ಮ ಪ್ರೋತ್ಸಾಹದಾಯಕ
      ಪ್ರತಿಕ್ರಿಯೆಗೆ ವಂದನೆಗಳು.

  7. ಶಂಕರಿ ಶರ್ಮ says:

    ಶರೀರದ ಮೇಲೆ ವಯಸ್ಸು ಪ್ರಭಾವ ಬೀರಿದಂತೆ, ಮನಸ್ಸು ಮಾಗಿದ ಭಾವ. ಭಾವನಾತ್ಮಕ ಕವನ, ಚೆನ್ನಾಗಿದೆ.

    • ವತ್ಸಲ says:

      ನಿಮ್ಮ ಅನಿಸಿಕೆ ನನ್ನ ಆತ್ಮವಿಶ್ವಾಸವನ್ನು ಹೆಚ್ಚಿಸಿದೆ ಶಂಕರಿ ಶರ್ಮರವರೆ..

  8. ASHA nooji says:

    ಸೂಪರ್

  9. ವಿದ್ಯಾ says:

    ವಿಮುಕ್ತತೆಯತ್ತ ಭಾವ ಪಯಣ ತುಂಬಾ ಚೆನ್ನಾಗಿ ಮೂಡಿ ಬಂದಿದೆ ಮೇಡಂ

    • ವತ್ಸಲ says:

      ನಿಮ್ಮ ಅಭಿಪ್ರಾಯ ನನ್ನ ಮನದಂಗಳವನ್ನ
      ವಿಸ್ತರಿಸಿದೆ, ವಿದ್ಯಾರವರೆ.

  10. Padma Anand says:

    ಆತ್ಮಾವಲೋಕನದ ಅಪೂರ್ವ ಸ್ಪಂದನೆ ಸೊಗಸಾಗಿ ಮೂಡಿ ಬಂದಿದೆ.

    • ವತ್ಸಲ says:

      ನಿಮ್ಮ ಸ್ಪಂದನೆ ನನ್ನ ಭರವಸೆಯ ಸೂಚನೆ,
      ಪದ್ಮರವರೆ.

Leave a Reply to ವತ್ಸಲ Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: