ವೇದ ಸುಳ್ಳಾದರೂ ಗಾದೆ ಸುಳ್ಳಾಗದು

Spread the love
Share Button

 

ಜನಪದರ ಅನುಭವದ ನುಡಿಗಳೇ ಗಾದೆಯು
ಜನಸಾಮಾನ್ಯರ ಬಾಳಿಗಿವುಗಳೇ ದೀವಿಗೆಯು
ವೇದ ಸುಳ್ಳಾದರೂ ಗಾದೆಗಳೆಂದು ಸುಳ್ಳಾಗದು
ಗಾದೆಗಳರಿತವರ ಬಾಳು ಬಂಗಾರವಾಗುವುದು.

**ಲ್ಪ ವಿದ್ಯೆ ಮಹಾಗರ್ವಿಯಂತಾಗದಿರು
*ಆ*ಳಾಗಿ ದುಡಿ, ಅರಸನಾಗಿ ಬಾಳುತಿರು
*ಇ*ರುಳು ಕಂಡ ಬಾವಿಗೆ ಹಗಲು ಬೀಳದಿರು
*ಈ*ಜು ಮರೆಯದಿರು, ಜೂಜು ಕಲಿಯದಿರು.

*ಉ*ಪ್ಪುಂಡ ಮನೆಗೆ ದ್ರೋಹ ಬಗೆಯದಿರು
*ಊ*ಡದ ಆವಿಗೆ ಉಣ್ಣದ ಕರುವ ಬಿಡದಿರು
*ಋ*ಷಿ, ಸ್ತ್ರೀ, ನದಿಗಳ ಮೂಲವ ಕೇದಕದಿರು
**ಚ್ಚರ ತಪ್ಪಿ ಮಾತಾಡಿ ಹುಚ್ಚನಂತಾಗದಿರು.

**ತಿ ಅಂದರೆ ಪ್ರೇತಿ ಎನ್ನುವರಿಂದ ದೂರವಿರು
*ಐ*ದು ಬೆರಳು ಸಮವಿರದೆಂಬುದ ಮರೆಯದಿರು
*ಒ*ಕ್ಕಲಿಗ ಒಕ್ಕದಿರೆ ಬಿಕ್ಕುವುದು ಜಗವೆಲ್ಲ ತಿಳಿದಿರು
*ಓ*ಣಿ ಮಕ್ಕಳಂತಾಗು, ಕೋಣೆ ಮಕ್ಕಳಂತಾಗದಿರು.

*ಔ*ದಾರ್ಯವಿರದ ಬಾಳು ಗೋಳೆಂಬುದರಿತಿರು
*ಅಂ*ಗೈ ಹುಣ್ಣಿಗೆ ಕನ್ನಡಿಯ ಹಿಡಿದು ನೋಡದಿರು
*ಅಃ* ಗಾದೆಗಳ ಅಮೃತವ ಸವಿಯುವುದ ಬಿಡದಿರು
ಗಾದೆಗಳಿಂದ ಕಟ್ಟಿದ ಕವನವ ಸದಾ ಗುನುಗುತಿರು.

-ಶಿವಮೂರ್ತಿ.ಹೆಚ್ ,  ದಾವಣಗೆರೆ.

6 Responses

  1. Avatar ವಿದ್ಯಾ says:

    ನಮಸ್ಕಾರ
    ಎಷ್ಟು ಚೆನ್ನಾಗಿ ಹೊಂದಿಸಿ ಬರೆದಿದ್ದೀರಿ,
    ಗಾದೆಗಳು ಉಳಿಯಿತು, ಕವನಗಳು ಬೆಳೆಯಿತು

  2. Avatar dharmanna dhanni says:

    ಚೆನ್ನಾಗಿದೆ ಬರಹ.ಧನ್ಯವಾದಗಳು

  3. Avatar ಬಿ.ಆರ್.ನಾಗರತ್ನ says:

    ಉತ್ತಮ ಪ್ರಯೋಗ ಸುಲಭರೀತಿಯಲ್ಲಿ ಗಾದೆಗಳು ಅನಾವರಣ ಅರ್ಥಪೊರ್ಣವಾಗಿ ಮೂಡಿ ಬಂದಿದೆ ಸಾರ್.

  4. Avatar ನಯನ ಬಜಕೂಡ್ಲು says:

    ಎಕ್ಸಲೆಂಟ್

  5. ದಾನಿಗಳನ್ನು ಮುತ್ತಿನಂತೆ ಪೋಣಿಸಿದ್ದೀರ
    ವಂದನೆಗಳು

  6. Avatar ಶಂಕರಿ ಶರ್ಮ says:

    ಅಕ್ಷರಮಾಲೆಯಲ್ಲಿ ಗಾದೆಗಳ ಕವನದ ಹೊಸ ಪ್ರಯೋಗ ನಿಜಕ್ಕೂ ಶ್ಲಾಘನೀಯ..ಧನ್ಯವಾದಗಳು ಸರ್.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: