ವೀಳ್ಯದೆಲೆ

Spread the love
Share Button

ಹಸಿರೆಲೆಯೇ ಬದುಕು
ದಿನದ ಮಾರಾಟ ಸರಕು
ಹೊಟ್ಟೆಗೆ ಹಿಟ್ಟಿಗೆ ಎಲ್ಲದಕು
ವೀಳ್ಯದೆಲೆ ನಿತ್ಯ ಬೇಕು

ಎಲೆಗಳ ರಾಶಿ ತಲೆಯಲಿ
ನಡಿಗೆ ಸಾಗಿದೆ ದಾರಿಯಲಿ
ದುಡಿವ ನಾರಿಯರ ಕರದಲಿ
ಸಾಲಾಗಿ ನಿಂತಿದೆ ಸಂತೆಯಲಿ

ಬಾಯಿಗೆ ಕೆಂಪನು ನೀಡಿರುವೆ
ದೇಹಕೆ ಆರೋಗ್ಯವ ಕೊಟ್ಟಿರುವೆ
ಮಾರಾಟಗಾರರಿಗೆ ಹಣವನು ತಂದಿರುವೆ
ಕೆಲವರಿಗೆ ಚಟವಾಗಿ ಕಾಡಿರುವೆ

ಪೂಜೆಗೂ ಸಲ್ಲುವೆ ನೀ
ದೃಷ್ಟಿಯ ನಿವಾಳಿಸಲು ನೀ
ಅಡಿಕೆ ಸುಣ್ಣಕೆ ಸಂಗಾತಿ ನೀ
ಬಾಳ ಹಸನಾಗಿಸುವ ಹಸಿರು ನೀ

ಬುಟ್ಟಿಯೊಳಗೆ ನಗುತಿರುವೆಯಲ್ಲ
ಹೊತ್ತಿರುವವರ ಹಾದಿ ಸಲೀಸಲ್ಲ
ಹಸಿರೆ ಉಸಿರು ಈ ಹೆಂಗಳೆಯರಿಗೆಲ್ಲ
ಬಾಡದಿರಲಿ ಆ ಜೀವಗಳು ನಿನ್ನಂತೆಲ್ಲ.

-ಪ್ರತಿಭಾ ಪ್ರಶಾಂತ.

5 Responses

  1. Avatar ಬಿ.ಆರ್.ನಾಗರತ್ನ says:

    ವಿಳೇದೆಲೆ ಮೂಲಕ ಬದುಕಿನ ಅದೂ ಹೆಣ್ಣಿನ ಬದುಕಿನ ಸೂಕ್ಷ್ಮಗಳನ್ನು ಬಿಚ್ಚಿಡುವ ಪ್ರಯತ್ನ ಸುಂದರ ವಾಗಿ ಮೂಡಿ ಬಂದಿದೆ ಈ ಕವಿ ತೆರೆಯಲ್ಲಿ.ಅಭಿನಂದನೆಗಳು.ಮೇಡಂ.

  2. Avatar ನಯನ ಬಜಕೂಡ್ಲು says:

    ವೀಳ್ಯದೆಲೆಯ ಮಹತ್ವ ಹಾಗೂ ಅದು ಬದುಕಿಗೆ ಆಧಾರ ವಾಗುವ ಪರಿಯನ್ನು ವಿವರಿಸುವ ಕವನ

  3. Avatar Krishnaprabha says:

    ಚಂದದ ಕವನ

  4. Avatar Savithri bhat says:

    ಚೆಂದದ ಕವನ

  5. Avatar ಶಂಕರಿ ಶರ್ಮ says:

    ಚಂದದ ಹಸಿರು ವೀಳ್ಯದೆಲೆಯ ಉಪಯೋಗದೊಂದಿಗೆ ಅದನ್ನು ಹೊತ್ತ ಮಹಿಳೆಯ ಬಾಳನ್ನು ಹೋಲಿಸಿರುವ ಸರಳ ಸುಂದರ ಕವನ.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: