ಪ್ರೀತಿ ಮತ್ತು ಸಾವು 

Share Button

ಪ್ರೀತಿ ಮತ್ತು ಸಾವು
ಎರಡರಲ್ಲೂ ಇಲ್ಲ ಅಂತರ
ಇವೆರಡರಲ್ಲೂ ಸಮತಾಸಮಭಾವ

ಇವೆರಡಕ್ಕೂ ಇಲ್ಲ ಯಾವುದೇ ನಿರ್ಬಂಧ
ಹೊತ್ತುಗೊತ್ತು ವಯಸ್ಸು ಸ್ಥಳದ ಪರಿವಿಲ್ಲ
ಕ್ಷಣಮಾತ್ರದಲ್ಲೇ ಎಲ್ಲ

ಪ್ರೀತಿ ಹೇಳಿಕೇಳಿ ಬರುವದಿಲ್ಲ
ಯಾರ ಮೇಲೆ ಯಾವಾಗ ಪ್ರೀತಿ
ಉಕ್ಕೇರಿ ಹರಿಯುವದೋ ಗೊತ್ತಿಲ್ಲ

ಸಾವೂ ಹೀಗೇ
ಯಾವಾಗ ಯಾರ ಬೆನ್ನತ್ತಿ
ಬರುವದೋ ಅರಿವಿಲ್ಲ.

ಇವೆರಡೂ ಎಂದೂ ಸೋಲುವದೇ ಇಲ್ಲ
ಇವೆರಡರ ನಡುವಿನ ಜಿವನ
ಗೆಲ್ಲುವದೇ ರೋಮಾಂಚನ.

ಪ್ರೀತಿ ಸಾವಿಗಿಲ್ಲ ಆದಿ ಅನಂತ
ಗುರಿ ಮುಟ್ಟುವ ಛಲವೇ ಮೂಲ
ಗಮ್ಯ ತಲುಪಿದಾಗ ನಿರಾಳ

ಪ್ರೀತಿಯೇ ಆಲಯ ಸಾವೇ ಲಯ
ಇವೆರಡರ ಸಮಾನತೆಯೇ ಹಿಮಾಲಯ
ಇಲ್ಲಿ ಸೋತು ಅಲ್ಲಿ ಗೆಲ್ಲುವದೇ ಮಹಾಲಯ

– ಪ್ರಕಾಶ ದೇಶಪಾಂಡೆ, ಹುಕ್ಕೇರಿ.

8 Responses

  1. ನಯನ ಬಜಕೂಡ್ಲು says:

    ಪ್ರೀತಿ ಹಾಗೂ ಸಾವಿನ ನಡುವೆ ಇರುವ ಅಂತರವನ್ನು ಸುಂದರವಾಗಿ ವಿವರಿಸಲಾಗಿದೆ.

  2. ಪ್ರಕಾಶ ದೇಶಪಾಂಡೆ says:

    ಧನ್ಯವಾದಗಳು ಮೇಡಮ್ , ಕವನ ಪ್ರಕಟಿಸಿದ ಸುರಹೊನ್ನೆಗೂ ಕೂಡ.

    • Anonymous says:

      ಪ್ರೀತಿ ಮತ್ತು ಸಾವನ್ನು ಹಿಮಾಲಯಕ್ಕೆ ಹೋಲಿಸಿ, ಕವನಕ್ಕೆ ಒಂದು ಒಳ್ಳೆಯ ರೂಪ ಕೊಟ್ಟಿದ್ದೀರಾ. ಅಭಿನಂದನೆಗಳು

  3. ಭರಮಣ್ಣ ಚಿಲಭಾವಿ. ಕನ್ನಡ ಉಪನ್ಯಾಸಕರು says:

    ಪ್ರೀತಿ ಮತ್ತು ಸಾವು ಕವನದಲ್ಲಿ ಮನುಷ್ಯನ ಜೀವನವನ್ನು ಚೆನ್ನಾಗಿ ಅರ್ಥೈಸಿದ್ದೀರಿ….ಕವನ ಚೆನ್ನಾಗಿದೆ…. ಸರ್

  4. ಪ್ರಕಾಶ ಹಿರೇಮಠ says:

    ಕವಿತೆ ಸುಂದರವಾಗಿದೆ, ಪ್ರೀತಿಯೇ ಆಲಯ ಮತ್ತು ಸಾವೇ ಲಯ ಎಂದು ಹೇಳಿದಿರಿ ಅರ್ಥಪೂರ್ಣವಾಗಿದೆ

  5. ಶ್ರೀರಂಗ ಕಟ್ಟಿ ಯಲ್ಲಾಪುರ. says:

    ಪ್ರೀತಿ, ಸಾವಿಗಿಲ್ಲ ಆದಿ ಅನಂತ.. ಪ್ರೀತಿಯೇ ಆಲಯ, ಸಾವೇ ಲಯ.. ಪ್ರೀತಿ, ಸಾವು ಎಂದಿಗೂ ಸೋಲುವದಿಲ್ಲ.. ಅದ್ಭುತ ಸಾಲುಗಳಿವು..! ಪ್ರೀತಿ-ಸಾವಿನ ವಿಶ್ಲೇಷಣೆ ಸುಂದರವಾಗಿ ಮೂಡಿಬಂದಿದೆ.. ಅಭಿನಂದನೆಗಳು ತಮಗೆ.

  6. ಶಂಕರಿ ಶರ್ಮ, ಪುತ್ತೂರು says:

    ಸೊಗಸಾದ ಅರ್ಥಪೂರ್ಣ ಕವನ

  7. ಡಾ.ನಿರ್ಮಲಾ ಬಟ್ಟಲ says:

    ಬದುಕಿನ ವಾಸ್ತವ ಸಾರುವ ಕವಿತೆ
    ಪ್ರೀತಿಯೆ ಆಲಯ ಸಾವೆ ಲಯ…..
    .ಸುಂದರ ಸಾಲುಗಳು

Leave a Reply to ಪ್ರಕಾಶ ದೇಶಪಾಂಡೆ Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: