ಸುಮ್ಮನೇ ಮೇಳೈಸಿಲ್ಲ ಅವು..!

Spread the love
Share Button

ಬುಟ್ಟಿಯಲ್ಲಿ ಬೀಳುತ್ತಿದ್ದವು
ಚಿವುಟಿ ಕೀಳುತ್ತಿದ್ದ ಒಂದೊಂದೇ ಹೂಗಳು
ನೋವಲ್ಲೂ ನಳನಳಿಸುವುದು
ಅಭ್ಯಾಸವಾಗಿಬಿಟ್ಪಿದೆ ಅವಕ್ಕೆ

ಬಣ್ಣ ಆಕಾರಗಳಲ್ಲಿ ಗುಂಪಾದವು
ಆಯುವ ಕೈಗಳಿಗೆ ಹಗುರವಾಗಲೆಂದು

ಎಲ್ಲವಕ್ಕೂ ಮುಡಿ ಸೇರುವ ತವಕ
ಕೆಲವು ಸೌಂದರ್ಯಕ್ಕೆ, ಕೆಲವು ಕೈಲಾಸಕ್ಕೆ
ಅಂತೂ ಏರುವುದೇ ಧ್ಯಾನ, ಧ್ಯೇಯ
ನಗಲೇಬೇಕು ಅದಕ್ಕಾಗಿ

ನಗುವ ಕಂಡಾದರೂ ಕೊಳ್ಳುವವರ
ಕೈ ಸೇರುವ ಹಂಬಲ
ಸುಗಂಧದ ಪಾರಿಜಾತ ನೆಲದ ಹಾಸಾಗಿದೆ
ಅದನ್ನೂ ಆಯುತ್ತಾರೆ ಕೆಲವರು
ಮುಡಿಗೇರುವ ಆಶಯ ಅವಕ್ಕೂ ಹೆಚ್ಚಾಗಿದೆ

ಏರಿದ್ದು ಆ ದಿನದ ಸಾರ್ಥಕತೆ
ನಾಳೆಗೆ ಬೀಳುತ್ತವೆ ರಾಶಿಯಾಗಿ
ಕಂದಿ, ಕುಂದಿ ಕಸವಾಗಿ
ಮಣ್ಣಲ್ಲಿ ಮಣ್ಣಾಗಿ ಬೆರೆತು
ಮತ್ತೆ ಫಲಿಸಲು

ಏಳು- ಬೀಳುಗಳು ಬಾಧಿಸುವುದಿಲ್ಲ
ಏರುವ ಧ್ಯಾನದಲ್ಲಿ
ಆ ನಗು, ಬಣ್ಣ, ಸೌಂದರ್ಯ
ಸುಮ್ಮನೇ ಮೇಳೈಸಿಲ್ಲ.

-ನೂತನ

3 Responses

  1. ನೂತನ says:

    ಧನ್ಯವಾದಗಳು ಪ್ರಕಟಣೆಗೆ

  2. ನಯನ ಬಜಕೂಡ್ಲು says:

    ಸುಂದರ ಪ್ರಸ್ತುತಿ. ಬದುಕಿಗೂ, ಪ್ರಕೃತಿಗೂ ಬಹಳ ಸಾಮ್ಯವಿದೆ ಅನ್ನುವ ಅಂಶ ಇಲ್ಲಿ ಕಾಣಿಸುತ್ತದೆ.

  3. ಶಂಕರಿ ಶರ್ಮ, ಪುತ್ತೂರು says:

    ಸೊಗಸಾದ ಕವನ.

Leave a Reply to ಶಂಕರಿ ಶರ್ಮ, ಪುತ್ತೂರು Cancel reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: