ಗಜಲ್

Share Button

ನಿರ್ಮೋಹದೊಡನೆ ವ್ಯಾಮೋಹವದು ಸಂಘರ್ಷಕ್ಕಿಳಿಯುತ್ತದೆ ಅರ್ಥವಿಲ್ಲದೆ
ನಿಲುಕದ ನಕ್ಷತ್ರಕ್ಕೆ ಜೀವ ಕೈ ಚಾಚುತ್ತದೆ ನಿರಾಸೆಯ ಅರಿವಿಲ್ಲದೆ

ಅವನು ಲೌಕಿಕಕ್ಕೆ ಎಳೆಯಲು ಪ್ರಯತ್ನಿಸುತ್ತಿರುತ್ತಾನೆ ಅನುಕ್ಷಣವು
ಅವಳು ಅಲೌಕಿಕದತ್ತ ಸಾಗುತ್ತಿರುವಳು ಬದುಕಿನ ಮೋಹವಿಲ್ಲದೆ

ಇವನು ಅನುರಾಗದ ಸವಿಫಲ ಉಣಲಿಕ್ಕಿ ದಾರಿ ನೋಡುವನು
ಇವಳೋ ಅನುಭಾವದ ಮೇರುಗಿರಿಯ ಏರುತ್ತಿದ್ದಾಳೆ ತಕರಾರಿಲ್ಲದೆ

ಅವನೇನೋ ಕೊಟ್ಟು ಪಡೆಯುವ ಸುಂದರ ದಾಂಪತ್ಯ ಸವಿಯ ಬಯಸುತ್ತಾನೆ
ಅವಳೋ ಮಾಯದ ಮದ್ದಳೆ ಸದ್ದಡಗಿಸಿ ಸಾಗಿಹಳು ತಕರಾರಿಲ್ಲದೆ

“ಜ್ಯೋತಿ”ಮೋಹ ಪಾಷದಲಿ ಸಿಲುಕಿ ಇಳೆಯ ಆಳರಸನಾದವನವನು
ಆಕೆಯೋ ದಿವ್ಯಾಂಬರ ತೊಟ್ಟು ಕದಳಿಯತ್ತ ಸಾಗಿದ್ದಾಳೆ ಆಯಾಸವಿಲ್ಲದೆ….

-ಜ್ಯೋತಿ ಬಿ ದೇವಣಗಾವ , ಯಾದಗಿರಿ

4 Responses

  1. Avatar ಬಿ.ಆರ್.ನಾಗರತ್ನ says:

    ವಚನಸಾಹಿತ್ಯದಲ್ಲಿ ಧ್ರುವತಾರೆ ಅಕ್ಕಮಹಾದೇವಿಯ ಅಧ್ಯಾತ್ಮ ದ ನಿಲುವಿನ ಪ್ರತಿಪಾದನೆ ಮಾಡಿ ರಚಿಸಿರುವ ಗಝಲ್ ಅರ್ಥಪೂರ್ಣ ವಾಗಿ ಮೂಡಿ ಬಂದಿದೆ.ಅಭಿನಂದನೆಗಳು ಮೇಡಂ.

  2. Avatar ನಯನ ಬಜಕೂಡ್ಲು says:

    ಸೂಪರ್. ಬೆಳಕಿನತ್ತ ಹೊರಳುವಂತಿದೆ ಅವಳ ಬದುಕು.

  3. Avatar ಶಂಕರಿ ಶರ್ಮ, ಪುತ್ತೂರು says:

    ಅಕ್ಕಮಹಾದೇವಿಯ ಆಧ್ಯಾತ್ಮ ಬದುಕಿನ ಬಗೆಗಿನ ಅರ್ಥಪೂರ್ಣವಾದ ಗಝಲ್.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: