ಗುಜರಿ ಕಾವ್ಯ

Share Button

ಆಸೆ ಆಗಸಕ್ಕೆ
ಕನಸು  ನೆಲಕ್ಕೆ
ಪಾದ ಪಾದಾಳಕ್ಕೆ
ನಡುವೆ ತಲೆಕೆಳಗಾಗಿ ಬಿದ್ದು ನಡ ಮುರಿದುಕೊಂಡವರು,
ಬೀಸೋ ಧೂಳಿಗೆ,
ಎಂಜಲ ಉಗುಳಿಗೆ,
ಮೈಮೇಲಿನ ಬಣ್ಣಕ್ಕೆ ರೋಸಿ,
ವೇಷ ಮರೆತು ನೇಪಥ್ಯದೊಳಗೆ ನೂಕಾಟದಲಿ ಮರೆಯಾದರು.

ಎಲ್ಲಿಯೂ ಸಲ್ಲದವರು ಇಲ್ಲಿ ಸಲ್ಲುವರು
ಗುಜರಿ ಕಾವ್ಯದೊಳಗೆ ಬಡವ ಬಲ್ಲಿದ ಬೇಧವೆಲ್ಲಿಯದು,
ಸರ್ಕಾರ ಇಲ್ಲಿಲ್ಲ,
ಸರ್ಕಸ್ಸು  ಬೇಕಿಲ್ಲ,
ಆ ಊರು ಈ ಊರು ಯಾರೂ ಕೇಳಲ್ಲ, ಇದ್ದವರೇ ಸ್ಫೂರ್ತಿ ಇದ್ದವರಿಗೆ,
ನಾಳೆಯ ನಾಕ ನಮಗೇಕೆ?
ಇಂದಿನ ದಿನವೇ ಹೊಸ ಹುರುಪು,
ಚಿತ್ತ ಹೋಗಲೇ ಬೇಡ ನೆನ್ನೆಯೆಡೆಗೆ.
ಪತಂಗದೆಜ್ಜೆಗಳ ಮಾತೇಕೆ?
ಮೌನವಾಗಿದ್ದರೂ ರಿಂಗಣವಿದೆ,
ಸೂರ್ಯ ಇರುವವರೆಗೂ ನೆರಳು ಬೆಂಬಿಡದ ಹಾಗೆಯೇ,
ನನ್ನ ಬೆಂಬಿಡದೆ ಸಾಗುತಲೇ ಇದೆ ಗುಜರಿ ಕಾವ್ಯ ಸದ್ದಿಲ್ಲದೆ .

– ನಳಿನ ಡಿ.

5 Responses

  1. Namadev Kagadagar says:

    ಉತ್ತಮ ಕವಿತೆ..
    ಈ ಹೊತ್ತಿಗೆಯಲ್ಲಿ ಎಲ್ಲ ಬರಹಗಳು ಉತ್ತಮವಾಗಿ ಬರುತ್ತಿವೆ..

  2. ಬಿ.ಆರ್.ನಾಗರತ್ನ says:

    ಅರ್ಥಪೂರ್ಣ ವಾಗಿದೆ ಕವಿತೆ.ಅಭಿನಂದನೆಗಳು ಮೇಡಂ.

  3. ನಯನ ಬಜಕೂಡ್ಲು says:

    ಚಂದದ ಕವನ

  4. ಶಂಕರಿ ಶರ್ಮ, ಪುತ್ತೂರು says:

    ಚಂದದ ಕವನ.

  5. Nalina says:

    ಕವಿತೆಯನ್ನು ಒದಿ ಪ್ರತಿಕ್ರಿಯಿಸಿದ ತಮಗೆಲ್ರಿಗೂ ಹೃದಯಪೂರ್ವಕ ಧನ್ಯವಾದಗಳು.
    ನಳಿನ ಡಿ

Leave a Reply to Namadev Kagadagar Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: