ತಂಗುದಾಣ ಬೇಕು ಬದುಕಿಗೆ …!!

Share Button

ತಂಗುದಾಣ ಬೇಕು
ಓಡುತ್ತಿರುವ ಸಮಯದಿಂದ
ಎದುರಾಗುವ ಹೊಸ ಹೊಸ
ಬೇಗುದಿಗಳಿಂದ ಅರೆಕ್ಷಣ ವಿರಮಿಸಲು
ನಿಂತು  ನೆಮ್ಮದಿ  ಪಡೆಯಲು

ತಿಂದುಂಡು ಮಲಗಿ
ಅದೇ ಮಾತು ಅದೇ
ಕೆಲಸ ಮಾಡಿ ಮಾಡಿ
ತುಸು ಹೊತ್ತು  ಮನ ವಿರಮಿಸಲು
ತಂಗುದಾಣ ಬೇಕು

ಆ ಮನೆ ಈ ಮನೆ
ಕತೆ ಕೇಳಿ ಅವರಿವರ
ಗುಣಗಾನ ಮಾಡುವ ಬದಲು
ನಮ್ಮನ್ನು ನಾವೇಅವಲೋಕನ ಮಾಡಿಕೊಳ್ಳಲು
ಒಂದು ತಂಗುದಾಣ ಬೇಕು

ಎಲ್ಲರಲ್ಲಿಯೂ ತಪ್ಪುಗಳ
ಹುಡುಕಿ , ಇಲ್ಲಸಲ್ಲದ್ದನ್ನು
ತಲೆಯಲ್ಲಿ ತುಂಬಿಸಿ
ತಲ್ಲಣಿಸುವ ಮನಕ್ಕೊಂದು
ಶಾಂತಿಯ ಅಂಗಳದ ತಂಗುದಾಣ ಬೇಕು

ಟೀಕೆ ಟಿಪ್ಪಣಿ ಗಳ ಜಂಗುಳಿಯಲ್ಲಿ
ತನ್ನ ತಾ ಮರೆತ ಬದುಕಿಗೆ
ಸ್ಪೂರ್ತಿಯ ತುಂಬುವ
ತಣ್ಣನೆಯ ತಂಗಾಳಿಯ ತಂಗುದಾಣ ಬೇಕು

– ರೇಶ್ಮಾ ಗುಳೇದಗುಡ್ಡಾಕರ್

3 Responses

  1. Avatar ನಯನ ಬಜಕೂಡ್ಲು says:

    ನೈಸ್.

  2. Avatar Anonymous says:

    ತಂಗುದಾಣ ಬೇಕು ಕವನದ ಆಶಯ ಚೆನ್ನಾಗಿದೆ ಮೂಡಿ ಬಂದಿದೆ.ಆದರೆ ತಂಗುದಾಣ ನಾವೇ ಮಾಡಿಕೊಳ್ಳಬೇಕು
    ಅಭಿನಂದನೆಗಳು

  3. Avatar ಶಂಕರಿ ಶರ್ಮ, ಪುತ್ತೂರು says:

    ಸೊಗಸಾದ ಕವನ

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: