ಬಿದಿರೆಂಬ ಸೋಜಿಗ

Share Button
 

ಬಿದಿರು ಮೆಳೆಗಳು ಸುರಿಸಿದೆ ಅಕ್ಕರೆಯ ಅಕ್ಕಿಯನು
ಉದರ ಪೊರೆಯಲು ಯೋಗ್ಯವಾಗಿಸಿ ಅಗುಳನು
ಮೆದುವಾದ ಅನ್ನ ಹೊಕ್ಕಿತೆಂತು ಗಟ್ಟಿ ಬಿದಿರನು
ಹುದುಗಿದೆ ಸೋಜಿಗ ನೋಡು ಮೇಳೈಸಿದೆ ತುತ್ತನು||

ಗಳೆಗಾರನ ಗಳಿಕೆಯದು ತುಂಬಿದೆ ಗಳಗೆಯೊಳು
ಬೆಳೆದ ಗಳೆಗಳು ಕೆಳಗೆ ಗಳಿಯಿಸಿದೆ ಅಕ್ಕಿಗಳು
ಕಳಮೆಯೊಳಗುಂಟು ರೋಗಹರ ಗುಣಸತ್ವದಗುಳು
ಕಳಚುವುದು ಚಿಗುರೆಲೆ ಲೇಪದಲಿ ನೋವು ಬಾವುಗಳು||

ಕಳಲೆಯಲ್ಲಿದೆ ನೋಡು ರಕ್ತಶೋಧಕ ಗುಣವು
ಕೊಳಲು ಮೂಡುತಲಾಗ ಹೊಮ್ಮಿಸಿತು ನಾದವು
ಸೆಳೆವ ಬಾನ್ಸುರಿಯಾಗಿ ತೇಲಿಸಿದ ರಾಗವು
ತಳಿರಾದ ತೆನೆಹುಲ್ಲು ಮರವಾದ ಸೋಜಿಗವು ||

ಮೊರವಾಗಿ ಹಾರಿಸಿ ಕೊಳೆ ಕಲ್ಮಶಗಳ ಬೇರ್ಪಡಿಸಿದೆ
ಗುರುವ ಕೈಯಲ್ಲಿ ಹೊಳೆಯುವ  ದಂಡವಾದೆ
ವಿರಮಿಸಲು ಚೆಲುವ ಶೃಂಗಾರ ಪೀಠವಾಗಿ ಮೈದಳೆದೆ
ಕರೆಬಂದಾಗ ಅಣಿಯಾಗುತ ಒಯ್ಯಲು ಚಟ್ಟವಾದೆ ||

-ಪದ್ಮಾ ಆಚಾರ್ಯ

5 Responses

  1. Anonymous says:

    ಸುಂದರ ಕವನ ಅಭಿನಂದನೆಗಳು ಮೇಡಂ

  2. ನಿರ್ಮಲ says:

    ಬಿದಿರಿನ ಗುಣ ಮತ್ತು ಉಪಯೋಗಗಳು ಚೆನ್ನಾಗಿ ಮೂಡಿದೆ. ಮಾಹಿತಿಭರಿತ ಕವನ.

  3. ನಯನ ಬಜಕೂಡ್ಲು says:

    Very nice. ಪ್ರಾಸ ಬದ್ದ ಕವನ, ಸಾಕಷ್ಟು ವಿಚಾರಗಳಿಂದ ಕೂಡಿದೆ

  4. Hema says:

    ಅರ್ಥಪೂರ್ಣ ಕವನ

  5. ಶಂಕರಿ ಶರ್ಮ says:

    ಬಿದಿರಿನ ಸಕಲಗುಣಗಳ ಗಾನ ತುಂಬಿಬಂದಿದೆ ತಮ್ಮ ಸೊಗಸಾದ ಅರ್ಥಪೂರ್ಣ ಕವನದಲ್ಲಿ.. ಧನ್ಯವಾದಗಳು ಪದ್ಮಾ ಮೇಡಂರವರೀಗೆ.

Leave a Reply to ನಯನ ಬಜಕೂಡ್ಲು Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: