ಎಲ್ಲಾ ನೆನಪಾಗುತ್ತಿದೆ..
ಎಲ್ಲಾ ನೆನಪಾಗುತ್ತಿದೆ
ಅಂದಿನ ಆ ದಿನಗಳು
ಅಲ್ಲಿನ ಆ ಜನಗಳು
ಹಬ್ಬ ಹುಣ್ಣಿಮೆ ಮದುವೆ ಮುಂಜಿ
ಸ್ಕೂಲ ಸಮವಸ್ತ್ರಕ್ಕೆ ಹಾಕುತ್ತಿದ್ದ ಗಂಜಿ
ಎಲ್ಲ ಎಲ್ಲಾ ನೆನಪಾಗುತ್ತಿದೆ.
ಆ ಬಸ್ಸಿನ ಡ್ರೈವರ್ ಮಿಯ್ಯಣ್ಣ
ಅಮೀರಣ್ಣ,ಕಂಡಕ್ಟರ್ ಸಾದತ್ತು
ಆ ಹುಸೇನಜ್ಜಿ ನೀಡಿದ ತುತ್ತು
ಅಬ್ಬಾ! ಆ ಹಬ್ಬಗಳೆಂದರೆ ಹಾಗೇ
ಪ್ರೀತಿಯ ಮಳೆ ಸುರಿದಹಾಗೇ
ಮೊಹರಮ್ಮಿನ ಆ ದೇವರ ಹೊತ್ತು
ಕೆಂಡವನ್ನು ಹಾಯ್ದು ಮೂರು ಸುತ್ತು
ಎಲ್ಲ ಎಲ್ಲಾ ನೆನಪಾಗುತ್ತಿದೆ.
ಆ ಲೋಬಾನದ ಹೊಗೆ
ಹುಸೇನಪ್ಪ ಮಾವನ ನಗೆ
ಆ. ಚೋಂಗೀ ರೊಟ್ಟಿಯ ಬಗೆ
ಆ ಹಳ್ಳಳ್ಳೇ ಬುಕ್ಕ
ಆ ಕೋಳಿಯ ಪುಕ್ಕ
ಆ ಪ್ರೀತಿ, ಆ ರೀತಿ, ಆ ನೀತಿ
ಇನ್ನೂ ಅಷ್ಟಿಟ್ಟು ಇದೆ ಅದೇ ರೀತಿ
ನಮ್ಮನಮ್ಮಲ್ಲೇ ಈ ವಿಷಬೀಜವ ಬಿತ್ತುವ
ರಾಮ ರಹೀಮರಿಗೂ ನಾಮವಿಕ್ಕುವ
ಈ ಮಾಧ್ಯಮದ ಮಂದಿ ಅರಿಯಬೇಕು
ನಮ್ಮ ಪಾಡಿಗೆ ನಾವು ಬದುಕ ಬಿಡಬೇಕು
– ಬಸವೇಶ ಸಿ ಎಂ ಹೊಳೆ, ಮೈಸೂರು
ಕವನ ಚೆನ್ನಾಗಿದೆ. ನಿಜ, ಬಾಲ್ಯದ ನೆನಪೇ ಚೆಂದ. – ಶ್ರುತಿ .
yes sir. communal harmony, along with development is the need of the hour.
Really sir, those days are golden days. If god would have made any time machine in which we can go and see, I would have been the first one to enter in. You made me remember those days once again, thanks for that.
ನಿಮ್ಮ ಕವನ ಚೆನ್ನಾಗಿದೆ.