ಸೋರುಗಲ್ಲದ ಚಂದ್ರಮ

Share Button

ಹಾಲುಗಲ್ಲದ ಚಂದ್ರಮಗೆ ಸೋರುವ ಹುಣ್ಣೆ?
ರಕ್ತ ಲಸಿತ ಬೆಳದಿಂಗಳೆ ಈ ಬನದಲ್ಲಿ?
ಎಷ್ಟು ಮುದ್ದಾಗಿದ್ದಾನೆ ಈ ಸೋರುಗಲ್ಲದ ಚಂದ್ರಮ!

ಬಿಮ್ಮಗೆ ಬಿಗಿವ ಕಡಲಮುಸುಡಿಗೆ
ಮಂಗಳಾರತಿ ಬೆಳಗತಕ್ಕವನೆ ಈತ!
ಅಲ್ಲಲ್ಲ, ಅವನ ಹಿಂದೆ ಮುಂದೆಯೆ
ಉರಿವ ಮತ್ಸರದ ಮಡದಿಯರು

ಶಪಿತ ಕೆನ್ನೆಗೆ ಮುತ್ತುಗಳ ಮಳೆ ಜಡಿದು
ಅಲ್ಲ , ಮುತ್ತುಗಳ ಮೊಳೆ ಹೊಡೆದು
ಇಷ್ಟಿಷ್ಟು ಇಷ್ಟಿಷ್ಟು ಗಡಿ ಹಾಕಿಕೊಂಡವರು
ಅರೆಯುತ್ತಿದ್ದಾರೆ ಅಲ್ಲಿ ಯಾರು ಯಾವ ಮೂಲೆಯಲ್ಲಿ?
ಪಾಪ ತಾಯಿ!
ಕಂದನ ಸೋರುಗಲ್ಲಕೆ ಯಾವ ಕರುಳ ಮದ್ದು?

-ಮಹೇಶ್ವರಿ.ಯು, ಕಾಸರಗೋಡು

3 Responses

  1. Avatar ಬಿ.ಆರ್.ನಾಗರತ್ನ says:

    ವಾವ್ ಸುಂದರ ಕಲ್ಪನೆ.ಅಭಿನಂದನೆಗಳು.

  2. Avatar ನಯನ ಬಜಕೂಡ್ಲು says:

    Nice one

  3. Avatar ಶಂಕರಿ ಶರ್ಮ says:

    ವಿಶೇಷ ರೂಪದ ಪರಿಕಲ್ಪನೆ! ಮುದ್ದಾದ ಹುಣ್ಣಿಮೆಚಂದ್ರ ಗೊತ್ತು…ಸೋರುಗಲ್ಲದ ಚಂದ್ರಮ..ವಾಹ್…ಚೆನ್ನಾಗಿದೆ.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: