ಕಪ್ಪು

Share Button

ಕಪ್ಪು ಕಪ್ಪು ಎಂದೇಕೆ ಬಿಕ್ಕುವೆ?
ಕಪ್ಪಗಿರುವುದೇ ತಪ್ಪೇ?
ತೆಪ್ಪಗಿರು ಕಪ್ಪು ಕೀಳಲ್ಲ
ಬಿಳುಪು ಮೇಲಲ್ಲ
ಬಣ್ಣಗಳಲ್ಲಿ ಒಡಕಿಲ್ಲ

ಯಾರಿಗೆ ಯಾವ ಬಣ್ಣ
ಪ್ರಕೃತಿ ನಿರ್ಧಾರ
ಅದಕ್ಕೆ ಹಚ್ಚಬೇಡ ಸುಣ್ಣ
ಕೃತಕ ಬಣ್ಣಕ್ಕಿಲ್ಲ ಬಾಳಿಕೆ
ಬಣ್ಣಬೆರೆತ ಮಾತಿಗಿಲ್ಲ ಏಳಿಗೆ

ಬೇಡ ರಂಗುಗಳ ಹಂಗು
ವರ್ಣ ವರ್ಣನೆ ಬರೀ ಬೆಂಡು
ಬಣ್ಣ ಕಳಚಿದ ಮೇಲೆ ಕಾಲ್ಚೆಂಡು
ಭಂಗುರದ ಮೆಚ್ಚುಗೆಗೆ ಸಲ್ಲ ಬೆರಗು
ಕಪ್ಪೋ ಬಿಳುಪೋ ಬೆಳಗುವುದೇ ಬೆಡಗು

ಸಾಧನೆಯ ಬಣ್ಣ ಪರಿಶ್ರಮ
ನೆಮ್ಮದಿಗೆ ಸಾರ್ಥಕತೆಯೇ ಬಣ್ಣ
ಸ್ವಸ್ಥ ಮನಸ್ಸಿನ ಬಣ್ಣ ನಿರ್ಮಲ
ಜೀವನದ ಈ ಲೆಕ್ಕಾಚಾರಕ್ಕೆ
ಕಪ್ಪು, ಬಿಳುಪುಗಳ ಹಂಗಿಲ್ಲ

ಬಣ್ಣ ಕಡಿಮೆಯೆಂಬ
ಬುಡುಬುಡುಕೆ ದಾಸರ
ಬಡಬಡಿಕೆಗೇಕೆ ಚಡಪಡಿಕೆ
ಬಿಡುಬಿಡು ಬಣ್ಣವೇ ಬದುಕಲ್ಲ
ಬಣ್ಣ ಕೇಳುವುದಿಲ್ಲ ಗುಣ

ಮಿಸುಕಬೇಡ, ಬಿಕ್ಕಬೇಡ
ತುಸು ನಕ್ಕುಬಿಡು
ನಗುವಿಗೆ ಬಣ್ಣ ಬಳಿಯಲಾಗದು
ಬಣ್ಣ ಬೇಡುವವರು ಬಳಿದುಕೊಳ್ಳಲಿ
ತಮ್ಮ ಕಣ್ಣಿಗೇ ಬೇಕಾದ ಬಣ್ಣ

-ಡಿ. ಯಶೋದಾ

16 Responses

  1. Anonymous says:

    ಅದ್ಭುತವಾಗಿದೆ.

  2. ದಾನಿ says:

    ನಾ ಕರಿಯಳೆಂದು
    ನೀ ಜರಿಯಬೇಡ
    ಬಿಳಿ ಗೆಳತಿ
    ಗರ್ವದಿಂದ…..
    ಈ ಹಾಡು ನೆನಪಾಯ್ತು

  3. Anonymous says:

    Very nice and very true.

  4. ಸುಮಾವೀಣಾ says:

    ಚೆನ್ನಾಗಿದೆ ಮೇಡಂ

  5. Neelambika says:

    Tumbha chennagide

  6. ಪ್ರಕಾಶ್ says:

    ಬಣ್ಣದಿಂದ ಮನುಷ್ಯನ ಯೋಗ್ಯತೆ ಅಳೆಯುವ ಕಾಲವೂ ಒಂದಿತ್ತು ಈಗ ಮತ್ತದೇ ಕಾಲವು ಮರುಕಳಿಸುತ್ತಿದೆ ಕವನದ ಮೂಲಕ ನೀವು ಮಾರ್ಮಿಕವಾಗಿ ಹೇಳಿದ್ದೀರಿ

  7. Babitha Pai says:

    Very nice

  8. G.jagadeeswari says:

    ಬಣ್ಣಗಳ ಬಣ್ಣವನ್ನು ಕಳಿಚಿ ಬಿಟ್ಟಿದ್ದೇವೆ..

    ಅತ್ಯುತ್ತಮ

  9. ನಯನ ಬಜಕೂಡ್ಲು says:

    ಕಪ್ಪಿನಲ್ಲೂ ಒಂದು ಸೊಬಗಿದೆ. ಚೆನ್ನಾಗಿದೆ ಕವನ

  10. Girish Babu N says:

    ಬಣ್ನ ಬಣ್ಣ
    ಎಲ್ಲೆಲ್ಲೂ ಬಣ್ಣಗಳು
    ಕೂದಲು, ಕೆನ್ನೆ, ಕಣ್ಣ ರೆಪ್ಪೆ,
    ತುಟಿ, ಉಗುರು ಎಲ್ಲವೂ ಬಣ್ಣಮಯ
    ಎಲ್ಲವೂ ಕಾಣುತ್ತೆ
    ಆದರೆ
    ಮನಸ್ಸಿನ ಬಣ್ಣ ?

  11. Soma says:

    Good wording and meanings

  12. Anonymous says:

    Är super

  13. Ramaraju says:

    Chennagide

  14. Anonymous says:

    Chennagide kavana

  15. Chandrakantha says:

    Nice kavana

  16. ಶಂಕರಿ ಶರ್ಮ says:

    ಕವನ ಚೆನ್ನಾಗಿದೆ.

Leave a Reply to ಸುಮಾವೀಣಾ Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: