ಕಪ್ಪು

Share Button

ಕಪ್ಪು ಕಪ್ಪು ಎಂದೇಕೆ ಬಿಕ್ಕುವೆ?
ಕಪ್ಪಗಿರುವುದೇ ತಪ್ಪೇ?
ತೆಪ್ಪಗಿರು ಕಪ್ಪು ಕೀಳಲ್ಲ
ಬಿಳುಪು ಮೇಲಲ್ಲ
ಬಣ್ಣಗಳಲ್ಲಿ ಒಡಕಿಲ್ಲ

ಯಾರಿಗೆ ಯಾವ ಬಣ್ಣ
ಪ್ರಕೃತಿ ನಿರ್ಧಾರ
ಅದಕ್ಕೆ ಹಚ್ಚಬೇಡ ಸುಣ್ಣ
ಕೃತಕ ಬಣ್ಣಕ್ಕಿಲ್ಲ ಬಾಳಿಕೆ
ಬಣ್ಣಬೆರೆತ ಮಾತಿಗಿಲ್ಲ ಏಳಿಗೆ

ಬೇಡ ರಂಗುಗಳ ಹಂಗು
ವರ್ಣ ವರ್ಣನೆ ಬರೀ ಬೆಂಡು
ಬಣ್ಣ ಕಳಚಿದ ಮೇಲೆ ಕಾಲ್ಚೆಂಡು
ಭಂಗುರದ ಮೆಚ್ಚುಗೆಗೆ ಸಲ್ಲ ಬೆರಗು
ಕಪ್ಪೋ ಬಿಳುಪೋ ಬೆಳಗುವುದೇ ಬೆಡಗು

ಸಾಧನೆಯ ಬಣ್ಣ ಪರಿಶ್ರಮ
ನೆಮ್ಮದಿಗೆ ಸಾರ್ಥಕತೆಯೇ ಬಣ್ಣ
ಸ್ವಸ್ಥ ಮನಸ್ಸಿನ ಬಣ್ಣ ನಿರ್ಮಲ
ಜೀವನದ ಈ ಲೆಕ್ಕಾಚಾರಕ್ಕೆ
ಕಪ್ಪು, ಬಿಳುಪುಗಳ ಹಂಗಿಲ್ಲ

ಬಣ್ಣ ಕಡಿಮೆಯೆಂಬ
ಬುಡುಬುಡುಕೆ ದಾಸರ
ಬಡಬಡಿಕೆಗೇಕೆ ಚಡಪಡಿಕೆ
ಬಿಡುಬಿಡು ಬಣ್ಣವೇ ಬದುಕಲ್ಲ
ಬಣ್ಣ ಕೇಳುವುದಿಲ್ಲ ಗುಣ

ಮಿಸುಕಬೇಡ, ಬಿಕ್ಕಬೇಡ
ತುಸು ನಕ್ಕುಬಿಡು
ನಗುವಿಗೆ ಬಣ್ಣ ಬಳಿಯಲಾಗದು
ಬಣ್ಣ ಬೇಡುವವರು ಬಳಿದುಕೊಳ್ಳಲಿ
ತಮ್ಮ ಕಣ್ಣಿಗೇ ಬೇಕಾದ ಬಣ್ಣ

-ಡಿ. ಯಶೋದಾ

16 Responses

  1. Avatar Anonymous says:

    ಅದ್ಭುತವಾಗಿದೆ.

  2. Avatar ದಾನಿ says:

    ನಾ ಕರಿಯಳೆಂದು
    ನೀ ಜರಿಯಬೇಡ
    ಬಿಳಿ ಗೆಳತಿ
    ಗರ್ವದಿಂದ…..
    ಈ ಹಾಡು ನೆನಪಾಯ್ತು

  3. Avatar Anonymous says:

    Very nice and very true.

  4. Avatar ಸುಮಾವೀಣಾ says:

    ಚೆನ್ನಾಗಿದೆ ಮೇಡಂ

  5. Avatar Neelambika says:

    Tumbha chennagide

  6. Avatar ಪ್ರಕಾಶ್ says:

    ಬಣ್ಣದಿಂದ ಮನುಷ್ಯನ ಯೋಗ್ಯತೆ ಅಳೆಯುವ ಕಾಲವೂ ಒಂದಿತ್ತು ಈಗ ಮತ್ತದೇ ಕಾಲವು ಮರುಕಳಿಸುತ್ತಿದೆ ಕವನದ ಮೂಲಕ ನೀವು ಮಾರ್ಮಿಕವಾಗಿ ಹೇಳಿದ್ದೀರಿ

  7. Avatar Babitha Pai says:

    Very nice

  8. Avatar G.jagadeeswari says:

    ಬಣ್ಣಗಳ ಬಣ್ಣವನ್ನು ಕಳಿಚಿ ಬಿಟ್ಟಿದ್ದೇವೆ..

    ಅತ್ಯುತ್ತಮ

  9. Avatar ನಯನ ಬಜಕೂಡ್ಲು says:

    ಕಪ್ಪಿನಲ್ಲೂ ಒಂದು ಸೊಬಗಿದೆ. ಚೆನ್ನಾಗಿದೆ ಕವನ

  10. Avatar Girish Babu N says:

    ಬಣ್ನ ಬಣ್ಣ
    ಎಲ್ಲೆಲ್ಲೂ ಬಣ್ಣಗಳು
    ಕೂದಲು, ಕೆನ್ನೆ, ಕಣ್ಣ ರೆಪ್ಪೆ,
    ತುಟಿ, ಉಗುರು ಎಲ್ಲವೂ ಬಣ್ಣಮಯ
    ಎಲ್ಲವೂ ಕಾಣುತ್ತೆ
    ಆದರೆ
    ಮನಸ್ಸಿನ ಬಣ್ಣ ?

  11. Avatar Soma says:

    Good wording and meanings

  12. Avatar Anonymous says:

    Är super

  13. Avatar Ramaraju says:

    Chennagide

  14. Avatar Anonymous says:

    Chennagide kavana

  15. Avatar Chandrakantha says:

    Nice kavana

  16. Avatar ಶಂಕರಿ ಶರ್ಮ says:

    ಕವನ ಚೆನ್ನಾಗಿದೆ.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: