ಧೃಡತೆ

Share Button

ಕಣ್ಮುಚ್ಚಿದರು ಮುಚ್ಚದಿರು
ಕನಸುಗಳು ಬರುವಂತೆ
ಗರಿಗೆದರಿ ರೆಕ್ಕೆಬಿಚ್ಚುವ ಹಕ್ಕಿಯಂತೆ.
ಪುಟ್ಟ ಬಾಲೆಯ ಮನದಿ
ಗುರಿಯೊಂದು ಮೂಡುತಿದೆ
ಬಡವ ಬಲ್ಲಿದನೆಂಬ ಬೇಧವಿರದೆ ||

ಕಾಲನದಿ ಸುಳಿಯಲ್ಲಿ
ತಾ ಸಿಲುಕಿ ಕಂಗೆಟ್ಟು
ಬದುಕು ದುಃಖಗಳ ಕಥನ
ಕಾಯಕಲ್ಪದ ಜನನ
ಕತ್ತಲಲು ಜೀವಸೆಲೆ
ಬತ್ತಿ ಹೋಗದಿಹ ಭಾವ
ಮಗಳ ಭವಿತವ್ಯದಲಿ ದೃಷ್ಟಿ ನೆಟ್ಟು ||

ತನ್ನಿಂಗಿತವ ಸುತೆಯ ಬಳಿ
ಹೇಳುತ್ತ ನಸುನಗುತ
ನೊಂದ ಜೀವದ ಬೆವರ ನೆನಪು ತರಿಸೀ
ಮೊಗೆ ಮೊಗೆದು ತುಂಬಿದಳು
ಕಣ್ಣ ಬಿಂಬದ ಒಳಗೆ
ನಡೆವ ಪಥದಲಿ ಎಚ್ಚರಿಕೆ
ಜಡತೆ ಬದಿ ಸರಿಸಿ ||

ಚೈತನ್ಯ ಮೂಡಿಸುವ
ಅಮ್ಮನಾ ಹಾರೈಕೆ
ಮುದ್ದು ಕಂದಮ್ಮ ಬೆಳೆದು
ಪ್ರಜ್ವಲಿಸುವಂತೆ
ಹೆಪ್ಪುಗಟ್ಟಿದ ನೋವು
ನೂರೆಂಟು ಇದ್ದರೂ
ಹೃದಯವದು ಬೆಂಗಾವಲು
ಗುಡಿಯ ಗೋಪುರದಂತೆ ||

ಶಿಷ್ಟರನು ರಕ್ಷಿಸುವ ದುಷ್ಟರನು
ಶಿಕ್ಷಿಸುವ
ಖಾಕಿ ಟೋಪಿಯ ಧರಿಸಿ
ಹಿಗ್ಗಿ ನಡೆವಂತೆ
ನಿರ್ಲಿಪ್ತ ಬದುಕಿನಲು
ಹೆಜ್ಜೆ ಗುರುತದು ಮೂಡಿ
ನೆನೆವರೆಲ್ಲರು ಆಗ
ಬಿಡು ಮನದ ಚಿಂತೆ ||

ಅಂತಃಸತ್ವದಿ ಸತತ ಜ್ಞಾನ
ದೀವಿಗೆ ಬೆಳಗಿ
ಖಾಲಿ ತಂಬಿಗೆಯೂ
ಕಲಶವಾಗುವಂತೆ
ಕರಿ ನೆರಳ ತೆರೆ ಸರಿದು
ಬೆಳಕು
ಮೂಡಲಿ ಹೊಳೆದು
ನೆಲೆಬೆಲೆಯು ಸಿಕ್ಕಂದು
ಬೆಳೆದು ಧರಣಿಯ ನಮಿಸು
ಕಂಡ ಕನಸುಗಳೆಲ್ಲ ನನಸಾಗುವಂತೇ
ಒಡಲ ಕಡಲಲಿ ಧೃಡತೆ ಚಿಮ್ಮುವಂತೇ..||

ಪ್ರಮೀಳಾ ಚುಳ್ಳಿಕ್ಕಾನ.

2 Responses

  1. ನಯನ ಬಜಕೂಡ್ಲು says:

    ಸುಂದರ ಈ ಬಣ್ಣದ ಕನಸುಗಳು,
    ಕಷ್ಟವಿರಬಹುದು, ಆದರೂ ನನಸಾಗಬಲ್ಲವು ದೃಢ ಸಂಕಲ್ಪವಿರಲು.

  2. Shankari Sharma says:

    ದೃಢ ಮನದ ಮೇರು ಕನಸುಗಳು ನೆನಸಾಗುವುವು…
    ಸುಂದರ ಕವನ.

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: