‘ತಪವೂ- ಒಲವೂ- ಚಲನೆಯೂ’

Share Button

ನಾನು ತಪಸ್ವಿನಿಯಲ್ಲ,
ನಿಶ್ಚಿಂತ ಮೌನದ ಧ್ಯಾನಕೆ
ನನಗೆ ವ್ಯವಧಾನವಿಲ್ಲ.

ಬೆಳಗು ಬೈಗೆನದೆ
ಗಡಿಯಾರದೊಡನೆ ಓಡುವ
ನನಗೆ ಸಮಯವೆಲ್ಲಿ?!

ಕಾಲನೇ ನನ್ನ ಕಾದಲ,
ಮಿಸುಕಾಡಲು ಬಿಡದೆ ನನ್ನ
ಬಿಗಿಹಿಡಿದು ಬಂಧಿಸಿರುವ-ನಲ್ಲ..!

ಅರೆಗಳಿಗೆಯೂ ಮರೆತೂ
ಮೈಮರೆತು ನಿಲಲಾಗದು,
ಗೆಲುವಿನತ್ತಲಿರುವ ಪಯಣ
ನಿಲಿಸಲಾಗದು..

ನನ್ನ ಧ್ಯಾನವೂ ಈಗ
ಕಾಲನೊಟ್ಟಿಗಿನ ಒಲವಿನ
ಪಯಣ; ಉಸಿರ ಪಣಕ್ಕಿಟ್ಟ
ಅಗಮ್ಯ ನಿಲುದಾಣದೆಡೆಗಿನ
ನಿರಂತರ ಚಲನ..

  • ವಸುಂಧರಾ. ಕೆ. ಎಂ., ಬೆಂಗಳೂರು

   

7 Responses

  1. Avatar SmithaAmrithraj. says:

    ಕವಿತೆ ಹುಟ್ಟುವುದೇ ವ್ಯವಧಾನವಿಲ್ಲದ ಈ ಗಳಿಗೆಯಲ್ಲಿ ವಸುಂಧರಾ. ಚೆಂದಿದೆ ಕವಿತೆ.

  2. Avatar ಕಲಾ ಭಾಗ್ವತ್ says:

    ಸೊಗಸಾಗಿದೆ..ಇಷ್ಟವಾಯಿತು.

  3. Hema Hema says:

    ‘ಕಾಲನೊಟ್ಟಿಗಿನ ಒಲವಿನ ಪಯಣ’–ಸಾಲು ಬಹಳ ಇಷ್ಟವಾಯಿತು .ಚೆಂದದ ಕವನ .

  4. Avatar ಧರ್ಮಣ ಧನ್ನಿ says:

    ಕವನವು ಸುಂದರವಾದ ಪದಗಳಿಂದ ರಚನೆಯಾಗಿದೆ.ಧನ್ಯವಾದಗಳು

  5. Avatar ನಯನ ಬಜಕೂಡ್ಲು says:

    ಸೂಪರ್. ನಿಜ, ಒಂದಿಷ್ಟೂ ಬಿಡುವಿಲ್ಲ,
    ಆದರೂ ಅಸ್ಪಷ್ಟ ಸಾಲುಗಳೂ ಬಿಡದಂತೆ ಕಾಡುತ್ತಿವೆಯಲ್ಲ….

  6. Avatar Shankari Sharma says:

    ಬಿಡದೆ ಕಾಡುವ ಸಾಲುಗಳು ಚೆನ್ನಾಗಿ ಮೂಡಿ ಬಂದಿವೆ.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: