ಬಂಧ

Share Button

ಚಿತ್ತ ಭಿತ್ತಿಯೊಳೊಂದು
ನೆನಪು ಮನೆ ಮಾಡಿತ್ತು,
ಮಾತಾಗಿ ಹೊಮ್ಮದೇ
ಕವನವಾಯ್ತು!

ವರುಷಗಳ ಹಿಂದಕ್ಕೆ
ಮನವು ಓಡುತಲಿಂದು
ಮಡಿಲೊಳಗೆ ನಲಿದಿದ್ದು
ಮನಕೆ ಮುದ ತಂತು !!

ಅಮ್ಮನಾಗಿದ್ದಾನು
ಭಾವಫೂರ್ವದ ಘಳಿಗೆ ;
ನೋವಲ್ಲು ನಗೆ ಮೂಡಿ
ಅನುಭೂತಿಯಿತ್ತು !

ಬದುಕೊಂದು ಅನುಭೋಗ,
ಒಲವಿನಿಯನೊಳಿರಲು,
ಭೂತಿ ಅದು ಜೀವನೋತ್ಸಾಹ
ಹೆಚ್ಚಿಸಿತು!!

ಮನದ ತೂಗುಯ್ಯಾಲೆ ,
ತೂಗಾಡುತ್ತ ಅಲುಗುತ್ತ ;
ನಿನ್ನ ಹೆಜ್ಜೆಯ ತಾನ
ದನಿಯಾಗುತಿತ್ತೂ!

ಕ್ಪಣಕೊಮ್ಮೆ ಎಚ್ಚೆತ್ತ
ಎನ್ನೆದೆಯ ಗೂಡಿನಲಿ,
ಚಿತ್ತಾರವು ಮೂಡಿ
ತೂಗುತಿತ್ತು !!

ಕನಸಲೂ ನೀ‌ ಬಂದು,
ಅಮ್ಮಾ ಎಂದುಲಿದಾಗ
ಬಿಗಿದಪ್ಪಿ ನನ್ನೊಲುಮೆ
ಮುತ್ತಿಕ್ಕುತಿತ್ತು !

ಉಷೆ ನಿಶೆಯು ಮೂಡುಪಡು
ಚಾoಬೋಲ ನೋಡುತ್ತ
ಕರುಳ ಬಂಧವ ನೆನೆದು
ಪ್ರಾರ್ಥಿಸುತಲಿತ್ತೂ..!!

ಪ್ರಮೀಳಾ ಚುಳ್ಳಿಕ್ಕಾನ .

3 Responses

  1. ನಯನ ಬಜಕೂಡ್ಲು says:

    Beautiful. ಚಂದದ ಅನುಭೂತಿ

  2. Hema says:

    ಭಾವಪೂರ್ಣ ಕವನ .ಚೆನ್ನಾಗಿದೆ.

  3. Shankari Sharma says:

    ಚಂದದ ಕವನ.

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: