ಕಾಫಿಯೊಡನೆ

Share Button

ಕಾಫಿಯೊಡನೆ ಬಹಳಷ್ಟು ಸಂಭವಿಸಬಹುದಂತೆ
ಕುಳಿತಿದ್ದಾರೆ ಕಾಫಿತಾಣದಲಿ ಜನ ದ್ವೀಪದಂತೆ

ನಲ್ಲನಲ್ಲೆಯರ ಪಿಸುದನಿಯ ಸವಿಮಾತು
ಕನಸುಗಳನೂ  ಹೆಣೆಯುತಿಹರು ಅಲ್ಲಿ  ಕುಳಿತು

ಮದುವೆಯಾದ ಜೋಡಿಗಳಿಗೂ ಇಲ್ಲುಂಟು ಸ್ಥಳ
ತರಬಹುದು ತಮ್ಮೊಡನೆ ಜಂಜಡ,ಮನಸ್ತಾಪ ಜಗಳ

ಅಲ್ಲೊಂದು ಜೋಡಿ ನಡುವೆ ಇದೆ ಕಾಫಿ ಬಟ್ಟಲು
ಉಳಿದಂತೆ ಆ ಟೇಬಲಿನಲ್ಲಿ ಮೌನದ್ದೇ ದರ್ಬಾರು

ಮನದಾಳದ ಮಾತುಗಳಿಗೆ ಏನೋ ತಡೆಗೋಡೆ
ಇದ್ದು ಜಯಿಸುವುದೇ ಅಥವಾ ಅಗಲಿಕೆ ಹಿತವೆ?

ಅಲ್ಲಿ ಆ ಮೂಲೆಯಲಿ ಮೊಬೈಲು ಹಿಡಿದ ಒಬ್ಬಂಟಿ.
ಈಗಂತೂ  ಸಾಮಾಜಿಕ ಜಾಲತಾಣವೇ ಅವನ ಸಂಗಾತಿ

ಹೌದು ಕಾಫಿಯೊಡನೆ ಬಹಳಷ್ಟು ಸಂಭವಿಸಬಹುದು
ನೋವು-ನಲಿವು,ಸಿಟ್ಟು -ಸೆಡವು ಕೊನೆಗೆ  ದುರಂತ -ಸಾವು

ಮಹಾಬಲ. ಕೆ.ಎನ್

6 Responses

  1. Avatar ನಯನ ಬಜಕೂಡ್ಲು says:

    ಸರ್, ಕೊನೆಯ ಸಾಲುಗಳು ಕಾಫಿ ಡೇ ಯ ಮಾಲೀಕನ ದುರಂತ ವನ್ನು ನೆನಪಿಸುವಂತಿದೆ.

    “ಕಾಫಿ ಯೊಂದು ಕಾರಣ,
    ಬೆರೆತು, ಕಲೆಯಲು ಎರಡು ಮನ”.

  2. Avatar T S SHRAVANA KUMARI says:

    ಹೌದು, ಏನೆಲ್ಲಾ ಸಂಭವಿಸಬಹುದು… ಬದುಕು ಕಟ್ಟಬಹುದು, ಕೆಡವಬಹುದು, ಉಳಿಸಬಹುದು ಹಾಗೆಯೇ ಅಳಿಯಲೂಬಹುದು. ಹದಿನಾಲ್ಕು ಸಾಲುಗಳಲ್ಲಿ, ಒಂದು ಕಪ್ ಕಾಫಿಯಲ್ಲಿ ಏನೆಲ್ಲಾ ಅಡಗಿದೆಯಲ್ಲ!

  3. Avatar Shankari Sharma says:

    ಕಾಫಿಯ ಬಗ್ಗೆ ಸೊಗಸಾದ ಕವನ..ಬಿಸಿ ಬಿಸಿ ಕಾಫಿ ಕುಡಿದಂತಾಯ್ತು!

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: