ಹೊಸ ವರುಷಕೆ ಸ್ವಾಗತ

Share Button
ಬರಲಿದೆ ಹೊಸ ವರುಷ
ತರಲಿ ಎಲ್ಲರ ಬಾಳಲಿ ಹರುಷ
ನೋವು ದ್ವೇಷಗಳ ಕಳೆದು
ಸ್ನೇಹ ಸಂಬಂಧವ ಕೂಡುತ
.
ಶುರುವಾಗಲಿ ಸುಖದ ಪರ್ವವು
ಮೊಳಗಲಿ ಕೀರ್ತಿ ಅನಂತವು
ಬರಲಿ ಹೊಸ ವರುಷ ಬಾಳಲಿ
,
ಹೊಸ  ಚೈತನ್ಯ ಮೂಡಲಿ
ಗುರಿಯ ತಟ ಸನಿಹವಾಗಲಿ
ಸಕಲವೂ ಶುಭವಾಗಲಿ
ಗತಿಸಿದ ಅವಮಾನಗಳೆಲ್ಲವೂ
ಸನ್ಮಾನವಾಗಿ ಸಜ್ಜನರ ಮುಡಿಗೇರಲಿ
ಬರಲಿ ಹೊಸ ವರುಷ ಬಾಳಲಿ
.
ಕಷ್ಟಗಳನು ತಳ್ಳೋಣ ಪಾಳು ಗುಂಡಿಗೆ
ಸಕಲಗಳನು ಮೆಟ್ಟುವ ಮೂಡಲಿ ಗುಂಡಿಗೆ
ಇಷ್ಟಗಳನು ಸಾಧಸಿ ಹಂಚೋಣ ಮಂಡಿಗೆ.
.
ಛಲವು ಮೂಡಲಿ ಮೊಗದಲಿ
ಫಲವು ದೊರೆಯಲಿ ಯುಗದಲಿ
ಬರಲಿ ಹೊಸ ವರುಷ ಬಾಳಲಿ
.
ಒಣಗಿದ ಬೀಜ
ಭುವಿಯ ನೀರಿನ ಸೆಲೆಗೆ ಸಿಕ್ಕು
ಮೊಳೆತು ಹಸಿರಾಗುವಂತೆ,
ಬಂಜೆಯ ಒಡಲಲಿ
ಹೊಸ ಜೀವದ ಸುಳಿವಿನ
ಖುಷಿಯ ಕೊಟ್ಟಂತೆ,
ಸುಡು ಬಿಸಿಲಲಿ ವರುಣ
ಧರೆಗೆ ಹನಿಹನಿಗಳ
ಧಾರೆ ಎರೆದಂತೆ
ಜೊತೆಯಾಗಲಿ ಬರುವ ದಿನಗಳು
ನಮ್ಮೆಲ್ಲರನು ಸ್ವಾಗತಿಸಿ
ಸುಖದ ಹೂ ಮಳೆಗೈವಂತೆ
.
ಬರಲಿ ಹೊಸ ವರುಷ ಬಾಳಲಿ
ತರಲಿ ಹರುಷವ ಬರುವ ದಿನಮಾನಗಳಲಿ.
.
– ಶಿವಾನಂದ್ ಕರೂರ್ ಮಠ್,  ದಾವಣಗೆರೆ.
.

2 Responses

  1. ನಯನ ಬಜಕೂಡ್ಲು says:

    ಸುಂದರವಾದ ಶುಭಾಶಯ

  2. Shankari Sharma says:

    ಹೊಸ ವರುಷಕೆ ಹು಼ಟ್ಟಿದ ಸ್ವಾಗತ ಗೀತೆ..ಚೆನ್ನಾಗಿದೆ.

Leave a Reply to Shankari Sharma Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: