ನಿನ್ನ ಪ್ರೇಮದಲ್ಲಿ ಎಚ್ಚರವಿದ್ದೇನೆ

Share Button

ಮಲಗಿದಾಗಲೂ ನಾನು ನಿನ್ನ ಪ್ರೇಮದಲ್ಲಿ ಎಚ್ಚರವಿದ್ದೇನೆ
ನೀನಿರದಿರುವಾಗಲೂ ನಾನು ನಿನ್ನ ಪ್ರೇಮದಲ್ಲಿ ಎಚ್ಚರವಿದ್ದೇನೆ

ನಿನ್ನ ಒಂದು ಕಿರುನೋಟ ನನ್ನೆದೆಯಲಿ ವಸಂತವನೆಬ್ಬಿಸಿದೆ
ಮರುಭೂಮಿಯಾಗಿರುವಾಗಲೂ ನಾನು ನಿನ್ನ ಪ್ರೇಮದಲ್ಲಿ ಎಚ್ಚರವಿದ್ದೇನೆ

ಬರಿದಾದ ಆಗಸದಲಿ ನಲ್ಲನ ಹುಡುಕುತಿಹ ಮರುಳ ಇರುಳೇ
ಚಂದಿರನಿರದಿರುವಾಗಲೂ ನಾನು ನಿನ್ನ ಪ್ರೇಮದಲ್ಲಿ ಎಚ್ಚರವಿದ್ದೇನೆ

ಕಣ್ಣರೆಪ್ಪೆಯ ಮೇಲೆ ನಿನ್ನ ನಿರೀಕ್ಷೆಯ ಭಾರ ನಿದ್ರಿಸಲಾಗುತ್ತಿಲ್ಲ , ಹೊಸ್ತಿಲ
ದೀಪ ಉರಿಯುತಿರುವಾಗಲೂ ನಾನು ನಿನ್ನ ಪ್ರೇಮದಲ್ಲಿ ಎಚ್ಚರವಿದ್ದೇನೆ

ನನಗಾಗಿ ಮರುಜನ್ಮ ಜಾಲಾಡಿಸುತಿಹ ಜನ್ಮಾಂತರದ ಜೊತೆಗಾರನೇ
ಪುರ್ನಜನ್ಮವಿಲ್ಲದಿರುವಾಗಲೂ ನಾನು ನಿನ್ನ ಪ್ರೇಮದಲ್ಲಿ ಎಚ್ಚರವಿದ್ದೇನೆ

ಬಳಿ ನೀನಿಲ್ಲವೆಂದು ಸಮಾಧಿಯ ಗೋಡೆಗಳು ಖಾಲಿತನ ಸೂಸುತಿವೆ
ಅನಂತ ಶಯನದೊಳಿರುವಾಗಲೂ ನಾನು ನಿನ್ನ ಪ್ರೇಮದಲ್ಲಿ ಎಚ್ಚರವಿದ್ದೇನೆ

ಡಾ.ಶೋಭಾ ನಾಯಕ್

6 Responses

  1. Avatar ನಯನ ಬಜಕೂಡ್ಲು says:

    ಸುಂದರ ಲಹರಿ . ಅಲೆ ಅಲೆಯಾಗಿ ಆವರಿಸೋ ತಂಗಾಳಿಯಂತಹ ಮಧುರ ಭಾವ .

  2. Avatar km vasundhara says:

    ಪ್ರೇಮವೆಂದರೇ ಹಾಗೆ… ಕವಿತೆ ಚೆಂದವಿದೆ

  3. Avatar Shobha Nayak says:

    ಧನ್ಯವಾದಗಳು

  4. Avatar Anonymous says:

    Mam it’s a feel love… Nice one

  5. Avatar Anonymous says:

    Super mdm

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: