ಆಗುವಾಸೆ…..

Share Button

ಹಕ್ಕಿಯಾಗಲೆ ಆಗಸವನಳೆಯಲು,
ಚುಕ್ಕಿಯಾಗಲೆ ಆಗಸವನಾಳಲು?

ಅಳೆವ ಆಳ್ವ ಮಾತಂತಿರಲಿ,
ಹಾಳಾಗದೆ ಉಳಿಯಬೇಕು..

ಮೋಡವಾಗಲೆ ಮಳೆ ಸುರಿಸಲು,
ಆವಿಯಾಗಿ ಸಾಗರನ ಎದೆಯಿಂದ?

ಹನಿಯಾಗುವುದು, ಮಳೆಯಾಗುವುದು
ಅಂತಿರಲಿ, ನದಿಯಾಗಿ ಉಳಿಯಬೇಕು…

ಹೂವಾಗಲೆ ಜಗದ ಮೆಚ್ಚುಗೆಗೆ,
ಹಣ್ಣಾಗಲೇ ಮತ್ತೆ ರುಚಿಯ ಹೆಚ್ಚುಗೆಗೆ?

ಹೂವಾಗಿ ಹಣ್ಣು ಆಗುವುದು ಅಂತಿರಲಿ
ಮಾಗಬೇಕು – ಮರವಾಗಬೇಕು..

ಆಗಬೇಕು ಆಗುತಿರಬೇಕು ಕೌತುಕದ
ಬದುಕಿನಲಿ ಸಾಗುತಿರಬೇಕು ಮುಂದೆ

ಮುಂದೆ ಸಾಗಬೇಕು ಗುರಿಯ ಸೇರಬೇಕು
ಕುರಿಮಂದೆ ಮಾತ್ರ ಎಂದಿಗೂ ಆಗುವುದು ಬೇಡ.

ವಸುಂಧರಾ ಕೆ ಎಂ., ಬೆಂಗಳೂರು

4 Responses

  1. Avatar shashikala says:

    ಕುರಿಮಂದೆಯಾಗದಂತೆ ನೋಡಿಕೊಳ್ಳೋಣ……

  2. Avatar ನಯನ ಬಜಕೂಡ್ಲು says:

    ವಾ…..ವ್ Beautiful lines
    ಒಂದು ಸುಂದರವಾದ ಭರವಸೆ ತುಂಬುವಂತಹ ಸಂದೇಶ ಇದೆ ನಿಮ್ಮ ಸಾಲುಗಳಲ್ಲಿ

  3. Hema Hema says:

    ಸೊಗಸಾದ ಅರ್ಥಪೂರ್ಣ ಕವನ.

  4. Avatar Shankari Sharma says:

    ಸೊಗಸಾದ ಕವನ.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: