ಶಾರದೆ

Share Button

ಉದ್ದ ಲಂಗ ನೆರಿಗೆ ಚಿಮ್ಮಿ
ಹೊಲಿಗೆ ತೇಪೆ ಕಾಣದಂತೆ,
ಕುಣಿದು ಓಡಿ ಶಾಲೆಗೆ
ಬೆಳೆಯುತಿರುವ ಶಾರದೆ
ಎರಡು ಜಡೆಯ ಶಾರದೆ

ಅಗಲ ಕಣ್ಣು, ನೆಟ್ಟ ನೋಟ
ಪಾಠ ಪದ್ಯ ತೆಕ್ಕೆಯೊಳಗೆ
ಡಬ್ಬಿ ಚಿತ್ರಾನ್ನದೂಟ
ಸಾಕು ಎನುವ ಶಾರದೆ
ಎರಡು ಜಡೆಯ ಶಾರದೆ

ಪಟ ಪಟ ಪಟ ಮಾತ ಧೀರೆ
ಕುಂಟುಪಿಲ್ಲೆ ಕವಡೆ ಚತುರೆ
ನಗುತಲೋಡಿ ಮನೆಯಕಡೆಗೆ
ಚುರುಕು ಚಿತ್ರ ಶಾರದೆ
ಎರಡು ಜಡೆಯ ಶಾರದೆ

ಮೂರು ಮನೆಯ ಅಡುಗೆ ಕೆಲಸ
ಅಮ್ಮ ಮುಗಿಸಿ ಬರುವ ಮೊದಲೆ
ಎಲ್ಲ ಕೆಲಸ ಮಾಡಿಬಿಡುವ
ಸುಗುಣ ಬಾಲೆ ಶಾರದೆ
ಎರಡು ಜಡೆಯ ಶಾರದೆ

ಪಕ್ಕಮನೆಯ ಬಾಗಿಲಲ್ಲೆ
ಇಣುಕು ನೋಟ ಟೀವಿ ಕಡೆಗೆ
ಅಷ್ಟೆ ಸಾಕು, ಲೋಕವರಿತ
ಚುರುಕು ಮೆಣಸು ಶಾರದೆ
ಎರಡು ಜಡೆಯ ಶಾರದೆ

ಮಂಕು ದೀಪ ಉರಿದರೇನು
ಅರ್ಧ ಹೊಟ್ಟೆ ಆದರೇನು
ಮಲಗು ಮೊದಲು ಕವನ ಸಾಲು
ಬರೆವಳದೊ ಶಾರದೆ
ಎರಡು ಜಡೆಯ ಶಾರದೆ

ಧಮನಿ ಧಮನಿ ಸೂಸು ಭಾವ
ಸ್ಪಂದನೆಯಲಿ ಜೀವದಂದ
ತಡೆಗಳೇನು ಬಾರದೆ? ಬಂದರೇನು?
ನೆಲದ ಗಂಧ, ಮನದ ಬೆಳಕು
ಎರಡು ಜಡೆಯ ಶಾರದೆ!

-ಕೆ.ಆರ್.ಎಸ್.ಮೂರ್ತಿ

6 Responses

  1. Avatar AnandrRugvedi says:

    ಚೆನ್ನಾಗಿದೆ

  2. Avatar Anonymous says:

    ಚಂದ.. ‘ಶಾರದೆ’

    • Avatar ನಯನ ಬಜಕೂಡ್ಲು says:

      ಕವನ ನನ್ನಾ ಶಾರದೆಯ (,ಮಗಳು) ಕುರಿತಾಗಿ ಬರೆದ ಹಾಗಿದೆ . ಸೇಮ್ ಕವಿತೆಯಲ್ಲಿ ವಿವರಿಸಿದ ರೀತಿಯೇ ನನ್ನ ಶಾರದೆ ತಯಾರಾಗಿ ಸ್ಕೂಲ್ಗೆ ಹೋದ್ಲು. Very nice

  3. Avatar ನಯನ ಬಜಕೂಡ್ಲು says:

    ಕವನ ನನ್ನಾ ಶಾರದೆಯ (,ಮಗಳು) ಕುರಿತಾಗಿ ಬರೆದ ಹಾಗಿದೆ . ಸೇಮ್ ಕವಿತೆಯಲ್ಲಿ ವಿವರಿಸಿದ ರೀತಿಯೇ ನನ್ನ ಶಾರದೆ ತಯಾರಾಗಿ ಸ್ಕೂಲ್ಗೆ ಹೋದ್ಲು. Very nice

  4. Avatar Anonymous says:

    Very ನೈಸ್ poem

  5. Avatar Shruthi Sharma says:

    ತುಂಬಾ ಚೆನ್ನಾಗಿದೆ

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: